5**中史讀書心得分享
同學只需要撳文章標題就可以閱讀全文架啦！
2020DSE必看！中史出題趨勢及最後部署：Tip題及最後部署⠀
【想睇曬全文就撳文章標題啦】 都係戴番個頭盔先，我唔係考評局，亦都唔係劉謙，所以我嘅prediction未必100%啱。你地可以參考呢個post，但係你地跟唔跟呢個prediction溫就係你地自己嘅選擇。tip得題其實就一定有風險，你地溫習嘅時候要自己考慮番你嘅風險承受能力啊✨⠀明白嘅話就睇埋落去，準備接招啦！ 1️⃣2020年熱門課題‼️‼️‼（越多️🔥=越大機會出）⠀⠀春秋戰國🔥🔥⠀秦漢🔥🔥🔥🔥🔥⠀王莽/東漢🔥🔥⠀三個隋唐盛世🔥🔥🔥🔥🔥⠀元🔥🔥🔥⠀明🔥🔥🔥⠀清初民族政策🔥🔥⠀列強的入侵🔥🔥🔥⠀民初政局🔥🔥🔥⠀國共分合🔥🔥⠀抗日🔥🔥🔥🔥⠀社會主義建設🔥🔥⠀文革🔥⠀對外關係🔥🔥🔥🔥🔥⠀⠀2️⃣選修單元（知識分子）的重點及Tip題⠀⠀極大機會出‼️‼️‼️：司馬遷&何啟⠀大機會出：孔子&王安石⠀有機會出：梁啟超⠀⠀每個知識分子嘅重點係咩？（⭐️=如果2020年出呢個人物，呢個部分應該較大機會出）⠀⠀孔子：⠀1. 思想/主張 (2013,2016)⭐️⠀2. 貢獻 (2014,2015,2018)⭐️⠀3. 知識分子的特質 (2019 + 2015對理想的堅持）⠀4. 不受國君重用的原因 (2013,2016)⭐️⠀⠀司馬遷：⠀1. 寫《史記》的動機/原因 (2012,2013,2017)⭐️⠀2. 司馬遷在《史記》當中展現的思想及其與時代的關係(2012,2013,2015,2017,2018)⭐️⠀3. 司馬遷的理想/知識分子的特質(2014 推崇孔子的原因,2015)⠀⠀王安石：⠀1. 變法背景 (2012,2014,2016,2019)⭐️⠀2. 變法措施及其成效/影響(2014,2016,2019)⠀3. 變法失敗的原因(2012,2017)⭐️⠀⠀何啟：⠀1. 對香港醫療、政治和教育的貢獻⭐️(2012,2014,2016,2018)⠀2. 革命思想/對中國革命的貢獻⭐️(2012,2014,2016,2018)⠀3. 他的成就/思想與時代的關係(2012,2016)⠀4. 知識分子特質(2018)⠀⠀梁啟超：⠀1. 他的思想與時代的關係⭐️(2013,2017,2019)⠀2. 政治成就(2017,2019)⭐️⠀3. 文教貢獻(2015,2019)⭐️⠀⠀3️⃣最後部署‼️‼️‼️‼️‼️🔥🔥🔥🔥🔥⠀⠀依家得番咁少日子，你可能都係要溫左主科先，中史就可以遲d先溫（你就算依家背其實你都好容易唔記得，到時都係要再背過），除非你dse schedule係唔夠時間溫中史啦。如果你個底比較差嘅，咁你可以操下卷改善下你嘅答題技巧，但係去到呢個時候，for 底好嘅同學，我覺得背嘅重要性高過操卷好多，因為你既然個底好咁就應該操唔操卷都係差唔多分。我同 @dseaddoilllahh 雖然係5**，但係其實都冇操過卷咁濟……而無論係底差定底好嘅同學，我覺得去到臨考果幾日都係要以背誦史料為主，去到果陣時操卷嘅作用真係唔大（講真，如果你係要靠操卷黎進步嘅話，咁你操左咁耐卷要進步嘅都已經進步得7788啦，操多一個禮拜應該唔會有d咩好significant嘅影響）⠀⠀⠀
2020DSE必看！中史出題趨勢及最後部署：近年出題特色⠀⠀
【想睇曬全文就撳文章標題啦】 中史嘅出題趨勢真係好重要，想知道近年必答題同埋選答題分別有咩特色就記住睇埋落去啦！ 1）近年必答題出題特色⠀⠀2019年出左西周+鄧小平（文革+改革開放）⠀⠀文革雖然都算係熱門課題，但係2017年必答已經出過文革，而2012-2018年出過必答嘅唔會再出必答，所以我當時就冇乜點溫文革，結果就瀨左野（佢打破左呢個定律，因為改革開放係超級大熱課題而文革又同鄧小平有d相關嘅地方，所以佢將文革改革開放連埋一齊出。所以：就算係之前出過必答嘅，你都唔好斷定佢一定唔會再出必答‼️)⠀⠀另外，佢文革出左評水滸運動，呢個係好多人都冇溫/唔知嘅野（佢係書裡面果d細字，聽聞有d書/補習notes直情冇寫呢樣嘢落去），所以好多人果題都冇分。實際上，必答題2016漢武帝同埋2017王莽都係出得好詳細（因為漢武帝同埋王莽係當時嘅超級大熱課題）。所以你地溫d必答大熱課題嘅時候，記得溫埋d details‼️‼️‼️⠀⠀然後2019年係DSE必答第二次出現時段題！（要答兩個事件發生喺咩時段）不過上一次（即係2018年）係超簡單嘅題目，佢係問五四運動係以下邊個時段出現：1915-1925；1925-1935；1935-1945；1945-1955，其實唔駛溫都一定識。但係2019係問緊兩件事分別發生喺文革嘅咩時期，個難度高好多😨你地可能都要有d心理準備佢2020年有機會出d差唔多難度嘅時序題。⠀⠀2019年必答亦都有地圖題（係第二次必答題出地圖，對上一次出係2017年安史）。但係西周同安史都明顯係d地圖比較重要嘅課題，所以都唔出奇。你地對於一d可以出到地圖題嘅課題都要溫熟d d地圖啊！⠀⠀而我亦都觀察倒一個trend：近年必答題俾嘅資料越來越diversified（少左d純文字資料，2019得一個文字資料，2017同2018年唔計詩歌/歌曲嘅話都係各自得一個文字史料，2012-2016 in general都多d文字資料）。所以你地應該都準備下睇唔同嘅史料 eg海報、漫畫、圖表、詩歌、歌曲/民謠✨⠀⠀2）近年選答題特色⠀⠀2019年嘅選答題有兩個主要嘅特色：⠀⠀1️⃣多左拆得好細嘅題目⠀⠀最常見嘅題目嘅分數通常都係10+15/5+10+10/4+6+10，好少拆開4 part or more俾分（係得2013同2014分別試過1次，2016年試過兩次）2019年時隔多年終於出左兩條分開4part or more嘅題目，對一d唔擅長答長題目嘅同學比較有利。唔知佢2020會唔會繼續係咁⠀⠀2️⃣破天荒出左2條25分題目⠀⠀以往卷一一年只會出1條25分題目，但係2019年破天荒出左2條，佢2020都有機會係咁，所以同學都要準備下點答25分題⠀⠀⭐️⭐️⭐️下個post會出埋大家最關心嘅tip題同埋最後部署‼️🔥記得留意啦🤪🤪🤪⠀
中史應唔應該補習？
【想睇曬全文就撳文章標題啦】Again，一個超多人問嘅問題。 首先，未睇我關於補習果個post嘅可以睇返。 再specific d講中史，其實我覺得中史冇補習嘅必要。中史其實好straightforward，個人認為都係內容居多，對答題技巧嘅要求比較低。如果你本身語文能力好同埋對題目有一定嘅敏感度嘅話，你嘅論述能力都會強d，好多補習社講嘅所謂技巧其實唔洗人教你都會自然而然咁做到。所以個底有番咁上下嘅話我唔認為有補習嘅必要。真係想要多d extra嘅資料上網買notes就ok，無謂浪費時間學一d你已經學過嘅嘢 如果你個底冇咁好，而且你搵唔到任何進步嘅方法嘅話，咁你就可以考慮下補習，學下d答題技巧咁。 依家市場上嘅領導者係shinno，我只係補過佢一次大考精讀班，老實講對我冇乜幫助。但係我都知有同學補完佢之後進步左少少（又唔係話好大進步），亦有同學補完都冇進步最後quit左。lori冇補過所以唔知，但係聽學校老師講同埋睇網上嘅評論佢都唔係咁好。所以好似我之前補習posts所講，唔好高估補習嘅效果，諗住有補習就guarantee好成績，補習有冇效果好視乎你本身嘅情況同埋補習模式/內容啱唔啱你嘅需要。
中史：PP、必答題
【想睇曬全文就撳文章標題啦】跟住就講下pp同埋必答題啦～ pastpaper我自己覺得唔一定要做曬，你熟悉dse溫法係點同埋每個topic焦點係邊同埋答題技巧就ok。當然，做曬就緊係最好，只不過可能會用左好多時間，冇時間溫其他科。做完pp記得俾老師改同埋對番d 5**samples之類，咁先知道你可以點improve。同埋唔好輕視pp，雖然dse唔會出一條100%同pp一模一樣嘅問題，但係中史呢科本身個syllabus固定左係果d就果d，d史實都唔會突然間多左，所以其實每個 topic問黎問去都係果d野，唔似得理科咁可以隨時出d完全未見過嘅嘢問你，所以到時dse出嘅有可能同pp嘅題目差唔多，甚至可以將之前嘅答案做d輕微改動就擺落去，例如今年問士族衰落係因為士族腐化定係君主刻意抑制士族，同之前某一年好似。我都係呢幾日先發現我之前做過果題嘅pp，好彩最後都係攞左5**，唔係嘅話一定會後悔冇溫做過嘅pp後悔一世。所以做完d pp考dse前一定要溫番！！！我做過嘅pp唔多，只係學校叫我地做果幾份，我自己一份額外嘅pp都冇做到，因為做之前要溫曬果個topic先有用（唔溫就做根本冇效果，而且只會浪費左份卷），但係我冇咁多時間溫中史。雖然係咁，我都有做曬歷年dse嘅必答題其實只要你知道必答題點玩，必答題攞分一d都唔難首先，必答題好多時候會問d details，例如填充或者matching，所以大熱課題記得溫埋details，有地圖嘅溫埋地圖然後呢，必答題最重要嘅答題原則就係要精準。必答題tick point，你唔中個keyword嘅話你寫幾多都冇用，所以你要訓練到自己可以中到keywords。同埋夠精準先可以好快搞掂必答然後做選答，如果唔係可能唔夠時間做份卷。見到d題目，第一時間應該睇佢幾多分，因為唔同分數你答案嘅長度都會唔同，由於通常係一分一個point，少d分就應該少d point，多d分嘅話你要答長d。然後最重要嘅一個step就係去拆佢d分，諗下佢果d俾分位喺邊。例如，佢2017叫你從甲乙丙丁4件事之中選3件事，緩引史實，講佢對唐代政局嘅影響，而果題係6分，你應該知道每件事2分，而呢兩分拆開1分係與事件相關史事，1分係佢對唐代政局嘅影響嘅影響（順帶一提，呢種題目記住最好概括資料描述果件事係乜事先，因為如果佢覺得你冇回應到果件specific嘅事佢可以唔俾分你）又例如佢問你資料裡面某件事嘅轉變或者性質或者發生嘅原因或者目的，而條題目係2分，咁通常都係1分係個point（性質/轉變/原因/目的），1分係資料裡面嘅證據。如果係3分題，咁仲有一分應該係要elaborate多d。又例如2017另一題係要用資料俾嘅野同埋其他相關史實黎印證一句說話，總共4分，咁應該係資料同埋其他史實要均衡，資料2分，其他史實2分，資料果兩分係1分事件1分具體行動1分目的（三選二俾分），而其他史實果兩分1分係事件1分係解說。另一個答題原則就係必須specific，答案裡面一定要有人名/具體行為/事件名稱，唔可以太general，因為marking scheme嘅答案都好specific，你唔中個keyword就冇分。例如你寫「江青發起對鄧小平的批鬥」冇分，要寫倒「反擊右傾翻案風」先有分。寫「宦官弄權」未必有分，寫「掌握禁軍/掌控中樞政局/操控君主廢立」先有分。所以你有幾specific就幾specific，不斷問自己你嘅答案仲有冇得再specific d至於點樣知道點先夠specific同埋唔同題目究竟點拆分，咁就要靠你自己做dse歷年來必答題同埋 一定要對番marking scheme研究下你嘅答案有咩問題同埋考評局想你點答（可以上網search下或者睇下你老師有冇果個powerpoint/document）（呢個非常非常重要！！！）有關緩引史實：題目有明確叫你緩引史實或者用「其他相關史實」你先要用，唔駛用但係用左都唔會額外俾分你有關用資料：唔好就咁抄完文字資料嘅句子或者海報裡面嘅slogan就算，加多一兩句elaboration，如果唔係有可能唔俾分另外，eaa好鍾意問唔同資料性質嘅好同唔好，例如以漫畫/海報作為史料參考有咩優缺點，所以你應該事先準備下唔同資料性質嘅優點缺點
中史：思考問題、範文及tip題
【想睇曬全文就撳文章標題啦】繼續講下點溫中史先～ ⭐️思考問題 學校老師有派每一課嘅思考問題俾我地， 即係每一課嘅熱門問題，因為正如第一個中史post所提到，每一課都有佢嘅學習重點，而你地都應該每一課根據呢d重點list d 有機會出嘅問題出黎，例如士族寒門呢一課好明顯嘅一條好大機會出嘅問題就係「士族衰落係自身問題定係君主制裁原因大d」, 春秋戰國就係問果陣各個方面有咩變動， 英法聯軍之役就好大機會會問佢係咪鴉片戰爭嘅延續，國共合作好大機會問國定共得益大d… list好每一個課題有咩熱門題目 之後，就係要以point form briefly咁寫低你每條題目用咩point/角度去答。有時間嘅話，可以寫埋用咩論據。咁樣慨話其實你都差唔多cover曬dse有機會問嘅野，咁你去考dse嘅時候諗point都會快好多。⭐️範文：做完一d練習/test/pp之後最好睇番5**sample或者同學嘅高分sample做對比，睇下你差d咩、人地好喺邊。學校都有派d唔同課題嘅熱門題目嘅範文俾我地，雖然我冇時間睇曬，但係睇左一定獲益良多，因為考試果陣會快d諗到point⭐️Tip題：學校有派個表俾我地，show曬咁多年dse中史出過d咩課題同埋出果個topic嘅邊個重點，同埋有顯示埋必答如果學校冇俾你地，你可以上網搵/自己整，等你知道考評局嘅出題趨勢係點但係tip題始終係d有風險嘅野，tip唔中題目嘅後果可以好嚴重，2018年考評局就玩野，甲部翻炒左秦始皇，將秦始皇同漢武帝擺埋同一題，然後另一題將唐太宗同明太祖擺埋一齊，剩底果題又翻炒清初民族政策。咁如果有考生見到2017出左秦始皇同清初民族政策就冇溫，咁就得番唐+明可以做，但係如果佢又冇溫唐OR明，咁佢就會有半題唔識做，咁就gg。仲要2018必答果個東漢唔算好冷門但係都唔係大熱課題，都可能會有d人冇溫，所以tip題其實都係一個危險嘅做法，可以tip，但係你自己要衡量番你承唔承受得到tip唔中嘅後果，同埋千奇唔好tip得咁盡，skip曬好多topic。最保險嘅方法當然係溫曬，不過我冇時間咁做，亦都唔相信好多人可以咁做，所以我當時都tip左題雖然考評局今年冇玩野玩得咁癲，但係我果陣都差d因為tip題而死。我知道改革開放係大熱，應該出必答，於是溫得好熟。我睇過之前出卷嘅趨勢，必答題暫時冇翻炒過（即係2012-2018出過必答嘅課題就冇再出喺必答），於是由於文革之前出過必答，即使佢今年係熱門嘅課題，我都冇溫，諗住出都係出選答架啦，我最多咪唔揀。然後西周春秋戰國係大熱，所以我諗住選答應該可以如願以償咁答春秋戰國。點知，去到開卷果刻，我知道我gg啦，因為必答出左關於鄧小平嘅嘢，包括文革+改革開放，而我冇溫文革…不過不幸中嘅大幸係佢出嘅文革係d好detailed嘅野（評水滸），我唔識，但係好多有溫文革嘅人都唔識。然後選答竟然冇春秋戰國（我真係溫得好熟+超鍾意呢課），由於唔想做25分嘅唐代，又只不過係睇左少少清朝，所以就迫於無奈要選魏晉南北朝果條。經過今次嘅教訓，我覺得溫大熱課題果陣都要留意返呢個課題同其他課題有冇d密切嘅關係/something in common，即係文革同改革開放關係比較密切，而且兩個事件鄧小平都扮演左一個重要角色。咁總結我嘅經驗呢，我覺得中史嘅topic應該分幾類：1️⃣大熱（即係好耐冇出或者考評局好鍾意出果d）👉🏻必溫！一定要睇熟！儘量睇埋d details！（必答題好鍾意問details）應該要投放最多時間喺到！2️⃣次要（唔係好熱門，但係亦都唔係太冷門，出左嘅話係意料之外，但係唔會好驚嚇）👉🏻儘量溫👉🏻真係冇時間嘅話就可以快laap，go一go through佢，有個大概嘅idea，唔洗好詳細咁溫，以防佢出必答或者mix其他topic佔左半題3️⃣冷門（上年出左/考評局好少出或者冇出過）👉🏻內蒙西藏果d從來都冇出過，俾我就會直接skip，佢如果出選答，最多咪唔揀佢（但係你其他題目要識！），而佢如果出必答，1）大家都冇溫，大家一齊攬炒 2）考評局一定俾人鬧死，所以出必答嘅機會真係好微（但係我都要帶番個頭盔先，我唔識預測未來，唔識讀心術，所以我都唔可以100%排除考評局出呢個topic做必答嘅可能性，你可以跟我、可以唔跟我，自己諗下skip唔skip好，出左事我唔負責架）👉🏻一d你唔覺得會翻炒/覺得翻炒機會低嘅topic（通常係冇咁重要果d，留意，只係 通常，因為大家都估唔到佢2018翻炒清初民族政策），你可以選擇skip👉🏻一d冷門topic你驚佢會翻炒/你覺得翻炒機會相對大嘅話你可以選擇1）溫曬（安全d） 2）局部溫 （即係溫果個topic但係唔溫上年出左嘅果個部分，例如上年出左影響今年就溫原因咁）（留意：同大熱課題有關聯嘅冷門題目翻炒機會理應大d，我今年就係覺得改革與革命係大熱課題，而列強四戰雖然係冷門課題，但係八國同埋列強劃分勢力範圍同改革與革命都有關係，所以就溫左八國同勢力範圍，後尾dse都有連埋維新一齊出）⚠️純屬個人理性分析，你可以選擇跟唔跟我嘅諗法，但係呢個世界總係會有意外，我唔可以保證我所有講過嘅野一定啱，所以請自行衡量番你承唔承受到個風險，先再諗tip唔tip題或者tip幾多⚠️我唔係考評局，而且考評局會出乜、會唔會突然間玩野我地根本冇人可以知道，所以我唔可以guarantee倒你邊d 課題一定會/唔會出⚠️講到底，都係要你自己計算番個風險同埋自己判斷啦，出左事我唔負責架距離dse仲有好耐，大家記得save低個post，到時有關於tip題嘅煩惱就可以參考番啦！
5**中史答題技巧
【想睇曬全文就撳文章標題啦】其實講真，我唔覺得中史有d咩好複雜嘅答題技巧。總之就有以下呢幾個大原則： 1. 論述飽滿⭐️必須具體，切記空泛你個point係乜都好，一定一定要有史實做backup，史實越具體越仔細越好（前提係要關事嘅同埋唔係d無關緊要嘅野）！泛泛而談一定唔會高分。要高分，一定要有飽滿嘅論述！就睇下以下呢個例子啦： 維新運動影響很多人的利益，令反對勢力強大，最終導致維新運動失敗 呢個句子講嘅的確係事實，但係咁樣一定唔會高分。點影響d 人嘅利益？係咩措施影響d人嘅利益？影響邊d人嘅利益？有咩證據？通通都冇講到。等我地睇下一個具體d、論述飽滿d嘅答案啦 維新運動多項政策都對不同持分者有負面影響，導致變法失敗。光緒帝裁徹通政司、大理寺等十多個部門並裁減綠營兵和冗員，導致過萬士兵、官員失業；廢八股文破壞了士人考取功名的機會，「勢必 觸及數百翰林，數千進士，數萬舉人，數十萬秀才，數百萬童生之忌」，嚴重損害 士子和官員的利益；廣開言路使百姓也可上書皇帝，有損朝廷權威，危及滿族統 治，令不少滿洲權貴深戚不滿。不少滿州大臣甚至認為變法會令大清滅亡，如文悌就曾說：「勿徒保中國四萬萬人，而置我 大清國於度外」。在觸犯各個階層人士和滿州貴族的利益之情況下，新政遭到各人大力反對，導致變法失敗。由此可見，維新 運動因觸犯官僚利益招致失敗。 係咪好好多呢？咁所以當你寫嘅時候一定要詳細d，拆開題目嘅字眼（呢到係拆開維新運動有咩政策），再加好多史實。你一路寫要一路問自己：What？Why？How？如果你發現你自己嘅答案冇答到呢d問題，咁你就知道你差左d野啦⭐️推論論述飽滿除左係要有好具體嘅例子之外，都要你將題目嘅關鍵字眼推論得好清楚，唔好將關鍵字眼一句帶過就當回應左題目。例如好多時候，題目會問你d君主如何鞏固政權，咁你除左講d措施內容之外都要elaborate呢d措施 如 何 達至鞏固政權嘅效果。等我用呢條題目做個示範先： 「根據資料一，秦始皇如何透過政治、軍事方面的措施鞏固政權？」 首先，秦始皇提高君主權威，蠻固政權。 他……（講下d具體措施，即係確立尊號、定曆法、易服飾、巡遊天下、刻石記功etc）透過這些措施，秦始皇顯示了皇帝與臣民地位的不同，強調了君權至上的觀念，使臣 民心生敬畏之晴，震攝臣民，鞏固政權。 其次，秦始皇推行郡縣制度，鞏固君權。 他…… 透過推行郡縣制度，秦始皇牢牢掌握任免主要地方官的權力，使地方長官聽命於中央，藉此將地方權力收歸中央，達到鞏固政權的效果。 所以單單係鞏固政權，你唔同嘅政策已經有唔同嘅elaboration，唔好諗住有「鞏固政權」呢四隻字就夠，你要寫埋 點 樣 鞏固政權先得，最好就用一d pro少少開terms （但係都唔好寫太多，好似我上面咁每段最後寫一兩行就ok，因為呢堆嘢始終都係虛d，如果你寫呢堆嘢佔你果個段落太多，咁你個point會睇落太空泛）2. Well-structured文章結構同埋段落結構都好重要，雖然好似講緊廢話咁，但係都要講多次。每篇文章個structure應該係intro、body paragraphs同埋conclusion，不過intro 同埋conclusion一句帶過就算啦，hea d 都冇問題（好多時候我都就咁寫「我同意XXX」甚至乎就咁「我同意。」，或者「YYYYY（題目叫你去elaborate嘅野），現據史實析論之。」intro真係唔駛花咁多時間寫，用多d時間寫body paragraph好過啦。同埋個conclusion我有70%時間都唔會寫（寫唔切…），但係其實有同冇唔會好大分別，最多印象分減少少，但係對個分冇直接影響。但係，每一段嘅架構必須完整。即係Topic Sentence，Elab，史實，elab，concluding statement （我知聽落好廢不過有好多人真係做果陣係做唔到架） 每一部分嘅常用字眼： topic sentence用多d呢d字眼：首先、其 次、再者、最後、第一、第二、第三、第 四、××方面（政治經濟Z社會etc)、就丫丫 角度而言、針對××問題 elaborate史實概時候用多d呢d字眼：可見、由此可見、這顯示、這反映、換言之 etc concluding statement用多d呢d字眼：因 此、由此可見 駁論個structure就通常係： 有言×XXxX。誠然，丫丫YY。可是， zzzz｛常用句子：即使，也。若 非，也不會。就是因為bbb，才 ggg) 3.…
5**中史背誦技巧
【想睇曬全文就撳文章標題啦】眾所周知，中史好多野背，咁點樣先可以背得有效率d、易d記得呢？ 首先，‼️請你一定一定要理解同埋消化左d內容先，你如果唔理解唔消化咁係好難去死記d facts架，最好當故事咁背，唔好當係一段段好悶嘅文字咁記！然之後呢，其實我絕大部分時候都係同大家一樣就咁背，冇咩特別，但係當我真係真係記唔到嘅時候就會用d特別d嘅記憶方法：👉🏻for d數據：近代史有超多數據，例如一五大躍進文革改革開放，數字會好多，例如可能改革開放令人均gdp由1978年嘅$xxxx 上升到1999年嘅$yyyy，咁其實呢個資料裡面你已經需要背1）1978 2）xxxx 3）1999 4）yyyy四組數字，而我自己就會攞部cal機計番個倍數/percentage increase，然後只需要背兩樣野：1）21年間 2）上升約ZZ% or W倍同埋好多時候，除非係d重要數據（例如三反五反幾多人被抓etc），否則，好多數據我只會round off，寫約數就算，例如1234萬，我會寫「約1200萬」👉🏻for 人名/地方名有d人名/地方名比較難記，當我真係記唔倒嘅時候我會用好多唔同嘅（白痴）方法去記 好白痴但係真係work 唔好笑我！eg 唐朝河北三鎮本身個地方名同埋各自對應嘅節度使嘅名都比較難記 咁我就諗：魏博➡️ 魏博士=Dr. Wei （大陸節目最強大腦果個心理學教授）成德➡️成duck盧龍➡️無限挑戰有個前成員叫盧洪哲，花名係盧志龍點樣記曬河北三鎮？我就諗：Dr. Wei 將盧洪哲 變 成 左隻 duck ，咁就成功link曬果三個地方名喺一齊點樣記邊個地方個節度使係邊個？田承嗣➡️個「魏」字裡面有個「田」，所以田承嗣係魏博節度使李寶臣個寶諧音堡，同成德個成（諧音城）一齊合體成「城堡」呢個詞語，所以李寶臣係成德節度使李懷仙➡️仙同埋龍都係一d神話傳說之中有嘅野，所以李懷仙係盧龍節度使eg韋堅鑿廣通潭，便利漕運➡️我對廣通潭嘅評價：喂，堅喎! ➡️喂（韋）堅eg高熲廢除酷刑➡️go （高）away，酷刑eg開皇律：蘇威、牛弘➡️被開國皇帝任命制定律法，so（蘇）牛👍🏻！👉🏻政策有時難記d嘅野就會用d特別d嘅記憶方法：⭐️思考d原因/作d原因俾你自己方便記（你唔知d原因係咪真，所以唔好寫埋落去！）eg 孝文帝、隋文帝 時期的均田制 孝文帝 隋文帝 滿15歲男：桑田20 畝，露田40畝 滿18歲男：永業田 20畝，露田80畝 婦女：露田20畝 婦女：露田40畝 露田70歲／死後歸還 露田66歲／死後歸還 咁可以見到：變化1:受田年齡及歸還年齡➡️自己ff d原因：北魏統治嘅主要係北方人，北方人強壯d（你諗下d山東人😂💪🏻同埋果d鮮卑人呢d遊牧民族），15歲已經夠力耕田，同時因為佢地強壯d佢地亦都長命d，所以好多人70歲都未死。隋朝統治埋中原人、南方人，佢d身體虛弱d，自然要遲d先夠力耕田，早d死變化2:桑田改稱永業田➡️ff原因：隋朝統一中國，隋文帝建立左永垂不朽嘅事業，所以佢個田都要配合佢嘅豐功偉績叫永業田變化3: 男女露田數量double左➡️ff原因：隋朝統一全國，有多d土地，自然可以派多d土地俾每一個人⭐️用logic flow開皇之治政治方面有好多改革措施，點樣可以記得曬所有措施呢？就係用logic flow。首先，每個政權一定有政治大體制（改革政制），然後呢個大體制裡面d人，即係d官員，點樣黎架呢？（開科取士）咁有左呢班官員，你點樣ensure佢地嘅quality呢？（澄清吏治）咁好喇，maintain到官員質素之餘你都要maintain平民嘅質素架嘛，咁點做呢？（改良刑法）搞左咁多野，呢個皇朝應該好 「興」盛啦 （建大興城）用呢個logic flow就可以好簡單咁串連起曬隋文帝嘅政治措施啦（改革政制、開科取士、澄清吏治、改良刑法、建大興城）當你真係記唔倒嘅時候，就嘗試下用我上面講嘅果幾種記憶方法啦，記住天馬行空咁ff d野都得，越誇張其實越容易記得！
5**中史溫習方式
【想睇曬全文就撳文章標題啦】中史係我最鍾意嘅科，甚至有諗過如果冇5**就2020再考過😂，但係其實我真係擺好少時間係呢一科，咁我到底係點樣溫中史架呢？ 1. 複習內容‼️‼️d人問我點溫其實我都真係只不過係同其他人一樣，就咁溫番d內容背番曬d重點就ok。👉🏻係咪要係咁keep住溫？我果陣就係暑假有立志要複習一次中史syllabus，但係後尾我只係溫倒少過一半…然後S6嘅時候，學校定期都有test，每一個test cover一個chapter，加加埋埋十幾個test，cover曬中四開始學過嘅所有topic，咁所以我平時都迫住要溫d topic，但係除左學校test，開左學之後我就冇再溫中史（冇時間，同埋溫完都唔會記到好耐），去到考出面mock先係真正意義上第一次溫曬成個syllabus（當然，其實都唔係每個topic都有溫），學校mock係第二次，shinno mock係第三次（但係skip左好多topic），dse係第四次，所以其實我平時同埋study leave溫中史嘅時間基本上（冇mock冇test嘅話）就係0。如果你地有時間，當然就最好可以keep住溫中史，加深自己嘅印象，去到dse可能就易記d，如果你冇時間，其實我覺得間中溫下就ok，反正到左dse你咪又係要溫👉🏻背乜？係咪要吞曬成本書先得？非也非也❎⭐️溫習之前，你應該搞清楚每一課嘅重點喺邊，然後有重點咁背每一個topic嘅野，例如改革開放嘅重點肯定係經濟果部分，關於政治eg幹部年輕化、軍事果d改革其實唔係咁重要，而且經濟果到宏觀調控都唔係咁重要。又例如魏晉南北朝最開始講曹操/曹丕嘅政策點促使漢胡融和果d都可以睇一睇就算。安史之亂嘅重點無非都係起因、結果、責任誰屬。辛亥革命重點無非都係成功原因/各個持分者如何導致革命成功、出現原因、是否偶然、革命嘅局限同意義，而孫中山嘅生平 同埋 革命嘅經過（eg黃花崗起義嘅詳情）（除武昌起義的經過外） 同埋中華民國成立嘅經過（eg袁世凱復出、南北議和、孫中山讓位）呢d就冇咁重要，知大概發生咩事就ok，唔需要記曬d details…咁點樣知道每一課重點喺邊？1）問老師 2）自己諗：有邊d部分出到長題目？（即重點）有邊d部分考評局好難用黎出長題目？（即非重點）3）參考pp出歷年出過嘅問題，睇下呢d問題焦點喺邊 4）問我 ⭐️aim高分嘅話背嘅時候一定一定要背埋d細節位（當然，冇用果d唔駛背，例如我唔會去背中共果堆「關於XXXX的指示」或者一d無關緊要嘅人名/事件），果d細節一定係攞分嘅關鍵，越多relevant嘅details越可以impress到marker，越可以differentiate到你from其他人。除左細節位之外，aim高分嘅人如果 行有餘力同埋時間許可 嘅話都可以背埋少少extra 嘅quotes，背到嘅話說服力強好多同埋會impress到marker。 我背左嘅句子（節錄only！) 元戎不知將校之能否，將校不知三軍之勇怯自負才地，一、二年間便望宰相 中立無所去就 赭衣塞路，圍圄成市 階級鬥爭必須年年講月月講天天講 殺那洋鬼子殺那投降洋鬼子的二毛子寧拒至尊敕，不可違舍人命（仲有好多） 而我最鍾意記嘅就係一堆洋務派／守舊派／維新派嘅說話，超級有用同埋超級有趣，包括： 勿徒保中國四萬萬人，而置我大清國於度外 其大砲之精純，子藥之細巧，器械之鮮明，隊伍之雄整，實非中國所能及 購買外洋船炮，則為今日救時之第一要務 中國文武制度，事事遠出西人之上，獨火器萬 不能及 中國四千年來沒有過電報，固乃泱泱大國也 知有兵事而不知民政，知有外交而不知有內務 所不及者為槍耳·炮耳、船耳、機器耳 康有為說「新舊水火不容」、慈禧太后乃 「不可造就之物」 守舊不可，必當變法，緩變不可，必當速 變，小變不可，必當全變 etc（仲有超多） 當然，你如果冇時間/仲未背好其他野/aim唔高，咁你就唔應該花太多時間去背呢d句子，畢竟d句子只不過係錦上添花，就算你冇呢d quotes，如果史實夠詳盡，一樣都可以攞5**。不過‼️無論你aim乜，都有d最最最最 basic嘅 quotes一定要背 例如「平流進取，坐至公卿」「上品無寒門，下品無勢族」「驅除韃虜，恢復中華，創立民國，平均地權」「實踐是檢驗真理的唯一標準」 ⭐️大熱課題都要背埋細節位，佢如果必答出一d大家都估到會出嘅大熱課題，咁其實好多人都識，咁點樣可以分到d叻人出黎？就係靠細節位，所以之前安史之亂、漢武帝、文革出必答嘅時候都出得比較detailed。所以必答大熱課題，一定一定要留意埋細節位，包括書中細字（今年出批水滸運動，好多人都略過左冇溫）同埋數據（有一年必答要寫倒宇文融查清土地令80多萬隱戶重新編入戶籍先俾分）！ 2. Notes我自己冇寫額外notes但係學校有notes俾我地，都幾詳細同埋有extra資料，但係就算學校唔派呢d notes我都唔會自己整。好似我之前「寫notes」個post所提到，我係唔建議中史寫notes嘅，原因請睇番果個post。exceptional case：當你d野好易搞亂好相似好難記嘅時候(列強四戰、三個盛世），就建議可以整個表，又或者你果個topic有超多數據/fact要記可以list曬出黎（參考下圖） 呢個post應該爆曬字數啦 原本以為中史會冇嘢寫點知寫左咁多😳，仲會有3-4個關於中史嘅post，會講下記憶方法答題技巧思考問題tip題必答題補習mock etc. 記得留意啦！
Follow My Blog
Get new content delivered directly to your inbox.
DSEHIGHBANANA 