【想睇曬全文就撳文章標題啦】其實講真，我唔覺得中史有d咩好複雜嘅答題技巧。總之就有以下呢幾個大原則：
1. 論述飽滿
⭐️必須具體，切記空泛
你個point係乜都好，一定一定要有史實做backup，史實越具體越仔細越好（前提係要關事嘅同埋唔係d無關緊要嘅野）！泛泛而談一定唔會高分。要高分，一定要有飽滿嘅論述！
就睇下以下呢個例子啦：
維新運動影響很多人的利益，令反對勢力強大，最終導致維新運動失敗
呢個句子講嘅的確係事實，但係咁樣一定唔會高分。點影響d 人嘅利益？係咩措施影響d人嘅利益？影響邊d人嘅利益？有咩證據？通通都冇講到。
等我地睇下一個具體d、論述飽滿d嘅答案啦
維新運動多項政策都對不同持分者有負面影響，導致變法失敗。光緒帝裁徹通政司、大理寺等十多個部門並裁減綠營兵和冗員，導致過萬士兵、官員失業；廢八股文破壞了士人考取功名的機會，「勢必 觸及數百翰林，數千進士，數萬舉人，數十萬秀才，數百萬童生之忌」，嚴重損害 士子和官員的利益；廣開言路使百姓也可上書皇帝，有損朝廷權威，危及滿族統 治，令不少滿洲權貴深戚不滿。不少滿州大臣甚至認為變法會令大清滅亡，如文悌就曾說：「勿徒保中國四萬萬人，而置我 大清國於度外」。在觸犯各個階層人士和滿州貴族的利益之情況下，新政遭到各人大力反對，導致變法失敗。由此可見，維新 運動因觸犯官僚利益招致失敗。
係咪好好多呢？
咁所以當你寫嘅時候一定要詳細d，拆開題目嘅字眼（呢到係拆開維新運動有咩政策），再加好多史實。你一路寫要一路問自己：What？Why？How？如果你發現你自己嘅答案冇答到呢d問題，咁你就知道你差左d野啦
⭐️推論
論述飽滿除左係要有好具體嘅例子之外，都要你將題目嘅關鍵字眼推論得好清楚，唔好將關鍵字眼一句帶過就當回應左題目。
例如好多時候，題目會問你d君主如何鞏固政權，咁你除左講d措施內容之外都要elaborate呢d措施 如 何 達至鞏固政權嘅效果。等我用呢條題目做個示範先：
「根據資料一，秦始皇如何透過政治、軍事方面的措施鞏固政權？」
首先，秦始皇提高君主權威，蠻固政權。 他……（講下d具體措施，即係確立尊號、定曆法、易服飾、巡遊天下、刻石記功etc）透過這些措施，秦始皇顯示了皇帝與臣民地位的不同，強調了君權至上的觀念，使臣 民心生敬畏之晴，震攝臣民，鞏固政權。
其次，秦始皇推行郡縣制度，鞏固君權。 他…… 透過推行郡縣制度，秦始皇牢牢掌握任免主要地方官的權力，使地方長官聽命於中央，藉此將地方權力收歸中央，達到鞏固政權的效果。
所以單單係鞏固政權，你唔同嘅政策已經有唔同嘅elaboration，唔好諗住有「鞏固政權」呢四隻字就夠，你要寫埋 點 樣 鞏固政權先得，最好就用一d pro少少開terms （但係都唔好寫太多，好似我上面咁每段最後寫一兩行就ok，因為呢堆嘢始終都係虛d，如果你寫呢堆嘢佔你果個段落太多，咁你個point會睇落太空泛）
2. Well-structured
文章結構同埋段落結構都好重要，雖然好似講緊廢話咁，但係都要講多次。
每篇文章個structure應該係intro、body paragraphs同埋conclusion，不過intro 同埋conclusion一句帶過就算啦，hea d 都冇問題（好多時候我都就咁寫「我同意XXX」甚至乎就咁「我同意。」，或者「YYYYY（題目叫你去elaborate嘅野），現據史實析論之。」intro真係唔駛花咁多時間寫，用多d時間寫body paragraph好過啦。
同埋個conclusion我有70%時間都唔會寫（寫唔切…），但係其實有同冇唔會好大分別，最多印象分減少少，但係對個分冇直接影響。
但係，每一段嘅架構必須完整。即係Topic Sentence，Elab，史實，elab，concluding statement （我知聽落好廢不過有好多人真係做果陣係做唔到架）
每一部分嘅常用字眼：
topic sentence用多d呢d字眼：首先、其 次、再者、最後、第一、第二、第三、第 四、××方面（政治經濟Z社會etc)、就丫丫 角度而言、針對××問題
elaborate史實概時候用多d呢d字眼：可見、由此可見、這顯示、這反映、換言之 etc
concluding statement用多d呢d字眼：因 此、由此可見
駁論個structure就通常係： 有言×XXxX。誠然，丫丫YY。可是， zzzz｛常用句子：即使，也。若 非，也不會。就是因為bbb，才 ggg)
3. 扣題
最基本就當然係唔好離題，叫你「根據資料」嘅話唔好寫d資料冇嘅論點落去（根據資料：個論點係要derived from 資料，但係你可以用唔喺資料裡面嘅史實去prove你嘅論點），如果你一味係到背d資料冇提及/暗示嘅論點落去咁就好大獲。
然後進階d呢就係要緊扣題目字眼。好多時候，同一個topic嘅同一個重點內容如果有唔同嘅提問字眼或者提問嘅方法，咁你就算用一模一樣嘅論據都好，你嘅論述方法、表達方式、用字、側重點都會唔同。如果題目話元代行省權力大而不專，咁你答案裡面就要講番行省權力如何「大」又如何「不專」；如果資料俾左「稍奪其權，制其錢榖，收其精兵」咁答果陣儘量用返呢d字眼，回應資料。最高階嘅技巧就係要靈活運用史實，利用你嘅論述證明題目叫你證明嘅野或者突出某一個選項係啱嘅，即係將答案包裝到好符合題目問嘅野。呢d通常係用於一d角色/責任/是A因素還是B因素嘅題目。
例如，如果要你證明王莽篡漢係天時而唔係人為，咁你要好強調係當時嘅環境俾機會王莽篡漢，用多d呢d字眼：「XXX（天時），以致YYY」「在此前提下，王莽才得以…」「有了XXX，王莽才會有YYY的機會」咁就可以顯示到王莽passive d，冇呢個環境王莽係唔會成功。相反，如果題目係叫你證明佢篡漢係人為因素而非天時所致，咁你就要focus喺王莽個人嘅優點同埋佢嘅努力上面，用多d呢d字眼：「利用」「調整」「把」「塑造」「觀察到」「深知」「將…加以運用」「借助」，令到佢嘅角色相對active d，突出天時只係一個客觀因素，而且王莽篡漢唔係一個天時導致嘅必然結果（成個朝廷咁多人、咁多王氏子弟，點解係王莽唔係其他人？），但係係王莽自己深謀遠慮、籠絡人心、識得觀察同埋利用天時，先令佢可以喺眾多王氏子弟之中突出自己，掌握大權同埋篡漢。
具體例子：
「最後，有了五德終始學說、陰陽等學說，王莽才得以令平民百姓視他為新聖人和得到篡漢合法性，以致篡漢成功」
vs
「最後，王莽善於借助符瑞獲得人民支持，以此作為禪讓的根據，導致他篡漢成功」
明明講緊嘅嘢都一樣，但係就可以將王莽嘅成功歸功於唔同嘅因素，呢個就係包裝嘅重要性。
另外一個例子就係唐玄宗喺安史之中嘅責任，事實上，寫佢責任最大好易，因為你將所有野賴曬落佢到就ok，例如係佢設置十大兵鎮、怠政、任用胡人為節度使、任李林甫、楊國忠為相、縱容楊國忠同安祿山明爭暗鬥，只要你可以將所有野好靚咁包裝成唐玄宗嘅責任，攞高分真係唔難。
4. 留意題目字眼，涉及比較要小心！
要留意下題目有冇「更」「較」「最」呢類字眼，例如以下嘅問法： 主因、較同意哪一個說法、A還是B是更重要因素、誰要負上最/更大責任etc，有嘅話記得要比較！!！唔比較會死！
5. 時間管理
雖然我鍾意繁體字多好多，但係為左寫得快d，我係會用簡體字。同埋請你地唔好介意自己d字醜，你寫得咁靚好難有時間做得完份卷，所以你d字樣衰d真係無所謂，睇得明就ok
咁具體點分配時間呢？
卷一：55+40+40
卷二：40+40
雖然我最後都係跟晤到，做唔切，但係如果做唔切嘅話記得：
1)假設a題15分b題10分，除非你對a題超級冇信心而對b題幾有信心，如果唔係都係做左a題先（a通常要求詳盡d慨史實，所以要花多d時間，b題就算你寫唔切你想寫嘅野，都可能有高分，因為佢對史實詳盡嘅程度要求比較低）
2）寫齊資料俾嘅point但係每一個point比較簡略好過寫唔齊point但係每個point比較詳盡 （呢個係學校老師同我地講嘅，佢有份改卷）
DSEHIGHBANANA 