【想睇曬全文就撳文章標題啦】um 首先帶個頭盔先 我細細個已經接觸英文比較多，主要係睇cartoon睇書，所以我本身個底子比較好，冇一d短時間內英文突飛猛進嘅經驗。以下所講嘅只係我對底弱嘅同學（aim 4 or 3）嘅個人建議，我唔可以guarantee 100%有用架
1. 多看： 睇書睇文章永遠都係學一種語言最好嘅方法，佢可以幫你無意中學到好多vocab、學到好多sentence structures、學到好多grammar，培養語感。我細細個已經好鍾意睇英文書，幼稚園睇kipper小學睇magic tree house, nancy drew etc. 初中睇Lorien Legacies, Hunger Games, Divergent, Maze Runner etc. 小學果陣甚至係我啊媽因為見到我只睇英文書唔睇中文書規定我每買兩本英文一定要買一本中文😂就係因為我睇英文書嘅習慣所以由細到大英文都係最top果d，grammar 我basically唔駛點學，因為睇書睇到已經識曬，作文都唔會擔心錯grammar。For 2021/2022 dser，你仲有一年半嘅時間，平時得閒嘅話可以睇多d 英文書，同時都可以睇返多d 英文新聞eg SCMP，鞏固返你個語文根基。For 2020dser，雖然睇書係最好嘅學習方法，但係依家時間已經得返好少，千奇千奇唔好浪費時間睇書，因為英文要有進步係需要長時間嘅浸淫嘅，你依家已經趕唔切，所以依家你要做嘅就係每日睇下英文報紙之類
2. 多寫：作多d文，俾老師睇下你d grammar有咩錯，再從中學習。唔好用中文諗野然後逐隻逐隻字譯返做英文！一定要嘗試用英文諗野！咁樣先可以寫得快同埋講野唔「姪」，因為用中文諗完再譯好慢！所以同人whatsapp溝通嘅時候打英文，用得多grammar自然好d同埋用英文諗野會容易d。
3. 多聽：睇英文電視新聞、TED talk
4. 多講：同人講多d英文！咁先可以自信d 流利d！唔好怕羞！個重點都係要用英文諗野！！！我細細個就同工人講英文所以英文speaking都比較好
5. 學grammar：雖然dse冇直接考，但係grammar好重要，grammar唔好你寫作說話d人都未必知道你up緊乜，就算知都會俾人嘅印象好差，同埋grammar唔好嘅話reading嘅sentence structure一複雜d你就會睇唔明，所以要買d grammar嘅exercise做下（唔好問我邊本好，我冇做過，真係唔知）
6. 學vocab：如果你好多好basic嘅vocab都唔識嘅話，咁我建議每日學5-20個vocab（視乎你同target grade嘅差距有幾大），最好唔好搵中英翻譯嘅字典，最好真係搵oxford/cambridge dictionary，因為我覺得你學個vocab唔應該係死記佢嘅中文解釋，你應該係要記個vocab本身嘅意思（好似有d 1999不過希望你知我up緊乜），即係見到「car 」你唔應該諗「車」，而係有個車嘅image喺你腦海中。要死背d vocab係好難，而且死背中文解釋嘅話你好大機會唔識點喺句子裡面用，所以最好係抄低英文解釋+造句。
總之，你要令到你自己處於一個周圍都係英文嘅環境，咁先可以令你嘅英文進步得快D
DSEHIGHBANANA 