【想睇曬全文就撳文章標題啦】
2020DSE一定要睇我跟住落黎講嘅嘢，調整你嘅最後部署啊！
Paper 1:⠀
⠀
雖然我覺得2019年份卷同往年差唔多，但係普遍d人都覺得2019年份卷似乎都難過之前。我都係百思不得其解（可能我之後需要詳細d嘅分析），但係我諗其中一個原因係因為2019年首次出左proofreading嘅題目，而proofreading係好多同學都失分嘅地方。所以你地都要對proofreading有少少準備。由於英文其實好多答案都係直接從marking scheme到抄出黎，我建議你地可以分析下marking scheme，睇下點樣抄（如果你未分析嘅話）。已經分析左，get到點答嘅話，咁就唔好擺太多時間落reading 啦。⠀
⠀
Paper 2: ⠀
⠀
2019年Part A出嘅嘢（grad）同我地每一個息息相關，好容易relate到，好容易代入角色，亦都冇咁多要求，而且篇文嘅tone比較易掌握，所以part a同往年比較（2018家長信，2017 elderly home proposal, 2016 Student union president speech), 我個人覺得係易左好多。⠀
⠀
Part B 就多左guidelines，佢史無前例咁用point form總結曬你有咩要寫同埋有咩注意事項（eg要加title），會俾同學一個明確d嘅方向黎寫篇文。預計未來都係呢個發展方向，所以你如果係底差嘅同學你可以放心d。⠀
⠀
去到最後三十日，一定要搞番清楚每個文體有咩要注意、個tone應該點樣etc，最好作多幾篇文俾老師改（特別係如果你之前冇咩點作嘅話）⠀
⠀
Paper 3:⠀
⠀
Part A 真係史無前例咁難，因為個錄音好快（同時，佢要你寫嘅答案都好長）。所以就算你英文底好，都唔好輕視listening呢part（以往2012-2018年listening好易滿分，但係2019真 係 好 難 做到！真係殺我一個措手不及，我真係underestimate左個難度）。2020年你地一開始做呢part就要集中精神，用好快嘅速度寫低d答案（唔好諗住好似以往咁慢條斯理，會抄唔切），之後都一定要仔細d check！（因為你做得快嘅話好容易有careless mistake，好似我咁…）⠀
⠀
2019年Part B都係唔知點解好多人話好難，我都唔係太清楚個原因因為我真係覺得冇乜分別😂我曾經問過 @alvinsirdseenglish 呢個問題，整合左佢嘅諗法同埋我嘅少少idea之後我就得出以下嘅結論：⠀
⠀
Task 9 佢要你講個plot，但係佢冇成個完整嘅plot俾你順著d point嘅次序去抄，結果好多閱讀能力比較低嘅同學就唔係咁識重整個plot（因為plot嘅話成個story嘅steps係好重要），就好容易miss左d points/唔知邊d係point邊d唔係point（我考完之後都聽到好多人講唔知task 9有咩寫、好似搵唔到point黎寫）同埋task 9係要介紹套電影，但係好多同學都未接觸過呢種genre，所以可能唔係好知應該點做。Task 10係speech，可能呢個就難d，因為speech呢個文體嘅tone係好取決於係咩場合講嘅，所以可能同學會掌握唔到個tone而失分。至於task 8 proposal ，其實就應該好易organise好易掌握。⠀
⠀
咁下年d point都有機會冇以往咁易搵，可能又會撈亂少少個次序，我相信對底好嘅同學應該唔係d咩挑戰，不過你個底唔好嘅話就可能會有d影響。得番一個月，你地要做嘅就係研究marking，特別係2019年task 9（睇下點樣可以更加好咁organize番d points）。同埋都係要搞番清楚每個文體你有咩要寫、有咩要注意（底差嘅話可以背埋罐頭句）。⠀
⠀
Paper 4:⠀
⠀
我冇乜特別留意到嘅trend，可能等你地考完筆試我先再分析😬⠀
DSEHIGHBANANA 