【想睇曬全文就撳文章標題啦】
好多人都好想考好英文，但係我見佢哋好多都用d錯誤嘅態度黎學習英文，最終徒勞無功，所以都想係到同大家講下學習英文有咩要注意。
❌盲目背誦⠀
⠀
我係個「自然學習英文派」（ok其實就冇呢樣嘢嘅，我自己作出黎），覺得睇書係最能夠令你英文進步嘅方法，所以我不嬲都唔主張背vocab學英文呢d比較唔自然嘅學習方法。⠀
⠀
如果你係中4-5，除非你個底真係U/Level 1/Level 2咁嘅程度，如果唔係我都唔建議你去依賴背vocab呢個方法，因為你有好多時間去睇書。睇書嘅話，你其實好自然就可以學到多d vocab同埋改善你嘅grammar。⠀
⠀
如果你係中六，咁我都明白你地可能會有背vocab嘅需要嘅，因為畢竟你地冇咩時間再去睇書，但係唔該唔好亂背！！！⠀
⠀
背vocab嘅時候唔好知道佢嘅中文意思就算，呢個係大忌！我見過d同學背左d phrases/vocab，隔硬用落篇文到，個用法根本就係錯嘅，咁樣反而會扣分。與其係咁，我寧願你唔好背vocab。⠀
⠀
所以當你去記vocab嘅時候一定要記埋佢點樣fit入d句子裡面或者幾時先用得！你可以試下作下d句子。同埋儘量記英文嘅解釋instead of中文解釋，因為有機會果隻字嘅用法唔係中文嘅時候嘅用法，有d字個意思未必可以好exact咁翻譯做中文，所以最好記英文解釋。⠀
⠀
同埋用你背左嘅字嘅時候，除左要留意grammar啱唔啱之外，都要留意下個意思啱唔啱（因為d字有機會有程度上嘅分別，例如big 同gigantic應該係gigantic大d，又或者d字只可以係某d情況下用）同埋你用呢隻字啱唔啱你嘅context（audience/purpose/role），唔好informal嘅文章用左d超級formal嘅字，唔好formal嘅時候用d slangs之類嘅informal詞語。⠀
⠀
如果你本身英文唔好，請你唔好去盲目追求背d好難嘅英文字，因為1）你好大機會會用錯 2）marker實睇得出（你如果成篇文都係grammatical mistakes，但係無啦啦有句野有個好難嘅字嘅話，咁會同篇文好格格不入，marker一定知你係背嘅）⠀
⠀
❌網上翻譯器⠀
⠀
你唔好當自己係google translate，逐隻逐隻字將中文翻譯成英文，咁樣一黎你極大機會會有grammatical mistake，二黎咁樣好浪費時間。嘗試迫自己用英文諗野，就算唔得我都懇請你去成句句子翻譯，唔好逐隻字逐隻字翻譯。⠀
⠀
希望呢個post幫到你地啦🤣⠀
Ps我之後都會再講下睇英文書嘅注意事項⠀
DSEHIGHBANANA 