關於DSEHIGHBANANA

咩係DSEHIGHBANANA？

DSEHIGHBANANA係一個學術分享嘅平台，我會喺呢個平台到以過來人嘅身份分享讀書心得同埋各科嘅實用tips，希望幫助各位應付DSE。同時，我亦都推出左D精讀筆記同埋課程俾你地，以幫助你地提升成績。呢個平台係我7月放榜後喺IG成立嘅，到依家已經有超過10000followers，想更加緊貼追蹤我嘅心得分享posts/課程/服務/筆記/giveaways嘅話，大家可以follow 下我個IG（@dsehighbanana)啊！（我會不定期喺IG搞giveaway，送出免費學習資源，giveaway參加人次累計達到4000啦！我仲會間中開下live解答下大家嘅問題添！）！

點解叫DSEHIGHBANANA？係咪小編太鍾意食香蕉？定係小編真名叫Banana？

非也，非也。呢兩個解釋都錯！你將High banana逐隻字翻譯做中文就會發現，high banana係高招咁解。我自己對呢個名好滿意，覺得佢一黎顯示倒我創立呢個平台嘅宗旨（教大家DSE高招），二黎幾有創意、幾易記，如果同學get到呢個名嘅話，相信都一定會記得呢個平台。

關於小編

我係2019年DSE嘅探花，Best 5 35，喺中文、英文、中史、History、Econ都攞到5**嘅成績，其中英文係攞到Straight 5**，Econ攞到96%分數。我畢業於傳統名校，依家讀緊中文大學Global Business Studies。

小編的話

雖然我已經上左岸，但係我都知道有好多同學對於考DSE都可能覺得好迷惘，唔知應該點溫習好，甚至會因為DSE而搞到自己好大壓力，孤立無援咁。但係我希望同各位同學講，你地並唔係孤軍奮戰架！你要記得小編我仲喺到同各位DSErs打氣，我會盡我所能幫助你地，一路陪住你地渡過呢個難關架！大家一定唔可以氣餒啊！記得關注住呢個平台，隨時準備接招🍌啦。DSE加油！