5** Econ 讀書心得分享
同學只係需要撳文章標題就可以閱讀全文架啦！
2020DSE必看！Econ出題趨勢及最後部署
【想睇曬全文就撳文章標題啦】 知己知彼，方能百戰百勝。要喺DSE攞到好嘅成績，就一定要清楚考評局呢幾年點樣出題，所以大家一定要睇下我以下嘅內容啊！ 👉🏻Paper 1 2019年份paper 1 (mc)係難左嘅，所以如果你覺得呢份難，咁唔駛驚，好正常。2019年份mc我地會見到一個好明顯嘅特徵，就係多左好多要你計數/involve數學概念嘅題目，而平時如果你冇特別去操呢d嘅話咁係需要用多d時間去做呢d題目，所以你好可能會做唔曬/唔識做，考嘅時候會panic。我果陣都係，我做得比平時慢（太多數要計），而去到最後幾分鐘嘅時候，我個腦係 完 全 亂 曬！果陣好緊張（因為econ係我期望最高、擺最多時間落去嘅一科，但係佢嘅cut-off超高，MC錯多一條分分鐘冇左一粒星），個腦好似唔係咁function到，唔係好計到d數（最後果條係exchange rate d 嘢，要計數），所以最尾其實我都只不過係勉強做得曬（最後果條錯左）。而2019年有咁大嘅轉變，我都expect 2020年會繼續有咁多要計數嘅題目，所以你地一定要好好準備下！唔好淨係明左d theoretical嘅concept咁就算，要操多d計數類嘅題目，確保自己識計、去到到時唔會慌張。考嘅時候，如果你expect自己冇時間嘅話，建議儘快做完d好簡單唔駛計數嘅題目先，然後再做d需要多d時間黎計數嘅題目（因為駛唔駛計數嘅題目都係得一分，緊係攞曬d簡單嘅分數先）。不過如果你aim滿分而且個腦一緊張就function唔到嘅，咁得番10-15分鐘嘅時候你可能做左d要計數嘅題目先（因為去到最後5分鐘你其實會panic，反而計唔到）（當然，如果係一d好複雜嘅數你做極都做唔到就唔好浪費時間做住啦）⠀⠀👉🏻Paper 2 其實我覺得2019年份卷頗簡單，不過佢就多左d application嘅題目。佢唔想d考生只係識得紙上談兵，學完d concept唔識應用落真實生活裡面，所以就多左d 題目要你apply d concept落daily life到，eg Q5。同埋佢有出到d比較冷門嘅嘢（Q4 give an example of a public corporation in hk)(以往d 同學可能只會溫limited company、partnership、sole proprietorship嘅優點缺點，未必會溫public corporation果part）。（同埋呢題都係，佢要你講埋public corporation嘅好處with reference to your example, 即係佢都係需要你有real-life application，而唔係就咁好似以往咁咩都唔駛諗就咁寫番你背左嘅advantage落去就算）至於份卷嘅其他部分，我就覺得正正常常，冇乜特別嘢好講。所以個overall trend就係：多d application、可能會出多d冷門嘢。所以你地溫習嘅時候唔好背曬d concept就算，econ要考得好係要靠理解而唔係背誦。你理解左其實自然就會用到落日常生活裡面。如果你講明左d concept但係唔識做d application嘅題目，咁其實你未真正清到concept。如果你本身底好，咁我諗呢個trend影響唔到你，反正你點都會識答。但係如果你嘅底唔好，你就要清番concept先。（至於點清concept，我之前已經出po講過）⠀⠀👉🏻呢一個月應該點部署？🤔 你依家要做嘅就係清concept同操卷，去到最後臨考前先一次過review番曬d concept（應該唔需要太多時間review，因為你操得多嘅話supposedly都已經熟曬）。同埋記得prep下essay果部分（熱門課題+有咩常用economic variables）。如果你之前好似我咁做開by topic pp，我都會建議你考econ前幾日搵份by…
Econ答題技巧
【想睇曬全文就撳文章標題啦】Econ 其實最緊要真係concept清，不過都有少少答題技巧嘅。 👉🏻Mc: 🌟definition 唔識做嘅話或者毫無頭緒嘅話就可以諗番 但果題嘅keyword嘅definition,睇下match 唔match d choices 🌟logic 有d題目可能ABCD4個option裡面有一d 係一齊啱／錯曬，即係可能option A如果啱，咁B都一定啱，咁由於MC只可以揀一個正確答案，咁你就知A一定錯，即係B都錯，所以答案一定係C或者D。總之諗唔通嘅時候就睇下可晤可以用logic排除某d答案啦 👉🏻普通長題目：🌟definition 有definition嘅話就擺左個definition落去先，尤其係一d你知道實有分嘅野，例如問親unemployment rate你都擺個 “unemployment rate= unemployed population/ labor force X100%“落去，通常都有分（就算冇分，擺左都冇壞架！) 然後LDMR又係，state左個law通常都有分。而opportunity cost嘅話（除非佢係問 1st choice 2nd choice果d）我自己都會習慣性第一時間寫番full cost=money cost + non-money cost 🌟拆points 有d題目會好明顯咁話俾你知要寫幾多個 point，例如可能有個4分題叫你寫2個 public limited company好過private limited company嘅原因，咁好明顯係每個原因2 分，咁你每個原因寫到兩個俾分位就夠 （唔肯定你寫果個係咪俾分位嘅就可以寫多少少） 🌟大包圍 每一課都有一d keywords，凡親係d拆 points冇咁明顯嘅題目，我自己做親都會寫曬所有我諗得到嘅有機會中marking嘅 keywords落去，就算唔係句句有分都可以確保我唔會漏太多point，點都會中好多marking（但係如果你平時做卷做得好慢/做唔曬， 咁就唔好啦，只係寫D你覺得最大機會會中 marking嘅keywords就算） 🌟數pointecon通常一分一個keyword/一句key phrase，如果我某d題目寫嘅野好似唔係好多，咁我就會數下自己寫嘅答案裡面嘅俾分位有幾多個，睇下夠唔夠points，唔夠嘅話就諗d野寫落去，希望中多d points（你如果逐題數point未必夠時間，所以當你已經用左大包圍答法又或者當你已經肯定你中曬marking就唔需要數，除非你真係好多時間）👉🏻DRQ Essay：DRQ…
Econ補習補邊個好？
【想睇曬全文就撳文章標題啦】 其實我econ冇乜補習，因為其實大部分課題我都可以自己handle倒，補習反而可能會浪費左d時間/金錢。但係，我都有補過一期cliffyeung嘅，所以都可以講下佢嘅優點缺點。 我之前credit creation果課老師上堂講得唔係好清晰，所以呢個topic我覺得好似好亂咁，然後就炒左果個topic嘅quiz。我未試過econ quiz咁低分，所以當我見到cliffyeung s6 summer course 咁啱教credit creation嘅時候我就即刻去左報名。呢個決定真係好正確。cliffyeung真係完全清曬我果個topic嘅concept，令我發現其實credit creation好簡單，你只要知道邊條式喺幾時用同埋幾時唔用得就ok。雖然我只係上左cliffyeung5堂，但係都等我講下佢嘅優缺點啦（利申：冇收錢）：優點：👍🏻👍🏻👍🏻👍🏻👍🏻👍🏻超級清到concept（如果唔係我補太多習已經冇時間溫書，我都會keep住補落去）👍🏻👍🏻👍🏻佢曾經係考評局econ嘅人，所以佢講嘅一定啱，有咩唔識都可以問佢，佢一定答到你，同埋你可以安心d （因為有d econ補習名師會教錯野…）👍🏻有時候聽佢寸下「考評局班阿嬸」幾好笑缺點：👎🏻佢個腦轉得好快，所以佢未必俾你好多時間去消化佢講嘅嘢，有時候我上堂都唔係即時get到，之後慢慢諗番先get到，所以底差嘅人可能比較難catch up👎🏻佢講野好monotone，聲音比較陰沉，如果你集中力唔夠好易訓著👎🏻因為佢太聰明所以有時問佢野會好驚佢覺得我好蠢😂至於其他econ名師，我冇補過所以你地都係上網search番人地對佢地嘅評價好d同埋cliffyeung嘅mock/final practice都好高質好清到concept，所以強烈建議你地報佢嘅mock！至於應唔應該補econ，可以睇返我之前「補習」果個post。但係再specific d講econ呢，我就覺得econ係個好需要清晰嘅concept嘅科目，如果你發覺你就算溫完習做埋pp同寫錯題簿都未清到好多concept，咁可能你就要諗下補習啦。底差嘅話私補可能會好d，始終你可以即時問問題同埋針對性會高d，而底好嘅可以考慮cliff yeung。不過當然，每個人嘅情況都唔同，適合嘅學習方式同埋補習老師都唔同，啱我嘅未必啱你，啱你嘅都未必啱我，所以以上只係我對cliffyeung嘅客觀評價，補唔補佢就自己衡量啦。 好啦 咁呢個post就去到呢到啦 有咩問題可以dm我！ 下個econ post會講下答題技巧同埋drq最後條essay嘅tips🙆🏻
Econ錯題簿
【想睇曬全文就撳文章標題啦】我覺得錯題簿喺econ黎講都算幾重要，因為年年5**cut-off都超高，你要確保你攞到5**一定要萬無一失，所以你必須清楚自己之前犯過d咩錯誤，同埋你完全清楚曬d concepts。咁到底點樣整錯題簿呢？🤔🤔 1. For MC：你應該cover曬以下嘅任何pp/exercise/mock題目✅你揀錯option嘅題目✅你撞啱嘅題目✅唔肯定嘅題目✅你揀啱option但係你唔係好明點解其他option錯嘅題目（後3個好多人都會漏！但係其實都超級重要！唔好諗住啱左就算，一定要諗：點解呢個option啱？點解其他option錯？唔好覺得「其他三個option都錯所以剩低果個咪啱囉，雖然唔知點解，但係我啱左咪即係我識囉」，因為諗清楚點解果個option啱可以幫你清到concept，同埋你考試其他果3個option 你都未必知道係咪錯啦！！）咁每一題MC有咩要寫呢？✅題目出處eg 2007CE Q30（方便之後refer返果題）✅題目✅你唔識/唔肯定嘅option✅點解你會揀左錯果個option/你原本嘅諗法（你以為…）✅點解你唔識/唔肯定嘅果個option係錯/啱嘅(唔好就咁照抄joint-us個解釋，儘量自己消化左先用自己嘅文字寫）2. For LQ：👉🏻for你錯曬方向嘅題目：抄題目出處，抄題目，抄自己嘅答案（大概意思就ok，總之你要知道你原本嘅思路係點），抄正確答案，寫點解你原本個思路錯、點解你諗錯左方向、個思路要點樣先可以諗到個正確答案（唔好抄左個正確答案就算！你一定要理解倒背後嘅原因）👉🏻你中唔曬points/keywords嘅題目：抄題目出處，抄題目，抄自己嘅答案，用紅筆批改自己嘅答案，eg delete d字、用個箭嘴加返d漏左嘅野etc. 諗下自己點解會漏左呢d keywords，或者點解要寫呢d keywords（會唔會係條題目有暗示？或者要寫得specific d？）3. 清晰為左方便睇，用唔同色，eg 我自己就鍾意抄題目/option用一隻色、抄自己答案用另外一隻色、正確答案同埋解釋用紅/其他鮮豔d嘅色。當我錯左之後歸納d in general 做題目要留意嘅注意事項嘅時候，我會用粉紅/藍色水筆大大隻字寫返d 注意事項4. 唔好浪費時間🌟MC略過肯定嘅/已經識嘅option🌟LQ可能要你寫兩個point，你其中一個寫漏野，第二個中曬marking，咁可以skip左你啱果個point🌟抄題目唔需要逐隻逐隻字抄，可以寫keywords/用symbols/用short form，你睇得明就得5. careless mistake可以開一版list出黎，提自己唔好再犯呢d錯誤！想睇下我econ錯題簿嘅可以睇下下面嘅pics！ 好啦 終於寫完呢篇啦，之後應該仲會有2-3個econ 嘅posts，之後就開主科啦！ 有咩問題歡迎dm問P.S.記得要諗多d問多d啊！同埋寫唔寫summary嘅notes你要自己衡量下opportunity cost，唔好為寫而寫啊！冇時間嘅話建議寫錯題簿好過純summarise野嘅notes
Econ：點做pp？有咩exercise好做？
【想睇曬全文就撳文章標題啦】econ做pp/exercise真係超級超級重要，因為用正確嘅方法做嘅話就真係可以清到好多concept同埋熟悉d 答題keywords。 我果陣溫econ做嘅pastpaper係1990-2016 by topic （CE and DSE only）（我好似都花左唔少時間上網搵同埋整理同埋print，好似喺小卒論壇搵倒），而我都有做其他exercise嘅。咁我溫econ嘅schedule大概就係咁：7-12月:逐課清macro 12-2月:逐課清micro2-4月:做cliffyeung 2012-2018 final practice同埋mock（cliffyeung d野好高質，mc特別難，超級清到concept）（果陣係有個師姐俾我嘅），臨考果個禮拜就做2017-2018by year DSE （by topic冇做2017-2018，同埋有兩年嘅卷by year咁做可以攞到成份卷咁做嘅感覺）咁我每一課係點清呢？Step 1.寫notes （micro果d之前寫過所以略過左呢個step）Step 2. 溫一次Step 3. 做Textbook問題Step 4. 做Econ600Step 5. 做choice/essential economics （之後冇做，冇時間）Step 6. 做1990-2016 by topic可能你會問，點解做by topic instead of by year？我會話by topic做pp，尤其同埋其他exercise一齊by topic做，會令你每一課溫得深入d，因為你by topic做，會喺好短時間內見到好多唔同嘅問題、唔同嘅situation，會啟發倒你思考更加多更加深入，例如比較下唔同題目睇下點解A情況下就會xxx、B情況下就會yyy；明明頭先果題個答案係咁㗎wor點解呢題又唔係呢…喺你思考嘅過程之中你就可以好好咁清倒concept。同埋mc本身係for test 你concept清唔清，一次過做曬咁多年嘅mc真係好清倒concept，但係當你分散咁by year做嘅話你可能會對之前做過嘅題目冇乜印象，少左好多題目與題目之間嘅對比或者觸發你思考得深入d嘅契機。而且by topic做嘅話你會發現有好多類似嘅問題，佢哋嘅答案都差唔多，咁當你一次又一次咁答差唔多嘅嘢嘅時候你對呢d問題印象會深刻d每當我有d諗唔同嘅問題嘅時候我就會寫低喺某幾頁嘅notes到（我有個list寫曬d我諗唔通嘅野），然後返學問老師而for 2-6，我都會寫錯題簿，點樣寫呢？我下個post再講（驚唔夠位…）
Econ notes（summary部分）🙆🏻
【想睇曬全文就撳文章標題啦】我果陣為左方便d溫書，唔想成日攞返學校d notes黎睇（加埋一齊會好多），每一課我都會寫返notes，等我講下我寫notes嘅詳細情形啦。 For micro，我中四開始每學完一課就會寫，主要係寫返唔同字嘅definitions （econ嘅definitions好重要！對清concept同埋命中marking都好重要）同埋一d points，而macro果d我係升中六先下定決心寫，因為我知一寫就會用好多時間，但係我後尾都覺得呢個決定好正確，因為我d notes集百家之大成，有曬d重點同埋要中嘅keywords，整理左一d原本比較散嘅知識，無論係溫學校mock/cliffyeung mock/dse我都就咁睇返自己嘅notes就ok，唔駛睇textbook/學校notes咁究竟我係點整notes（總結部分）架呢？1. 睇textbook+學校notes，將兩邊嘅重點寫落去自己嘅notes到（因為有d野可能書有解釋而學校notes冇，學校notes有而書冇），一邊整一邊諗同埋消化（我就係一路整gdp notes一路諗，覺得自己concept清左，所以先下定決心整埋剩低嘅macro notes）2. 做pp之後，會學識一d書/學校冇特登同你講嘅知識/concept，要將呢d新學嘅知識incorporate入自己嘅notes到，例如我做pp學識左有d咩係計/唔計落gdp到而我係之前唔知嘅，咁我就將果d野擺埋落一個關於計/唔計gdp嘅list到 3. 做pp果時，會見到d常見嘅答題keywords，咁我就將呢d keywords擺曬落去notebook到，例如function of money 我喺pp marking scheme見到通常medium of exchange嘅elaboration都係”medium to facilitate people’s buying and selling of goods and services”咁我就將佢抄落notebook，又或者efficiency marking scheme有堆常用嘅字，我又整左個list抄曬落黎（下圖） 之後又有d老是常出現嘅題目例如「點解呢兩個shop買嘅產品一樣但係價錢唔同」，呢d題目答案其實都差唔多，咁我又係將呢類題目嘅答案抄曬落notebook（下圖）。 同埋CE marking scheme之中有時總結左好多野，用呢d答案溫會好方便，所以我就print 果個答案出黎痴左上notebook到，或者抄落notebook到，就好似下面果兩幅圖咁 4. 標示返一d注意事項（可以係老師講嘅或者你嘅常犯錯誤或者你做pp得返黎嘅conclusion），例如當有excess reserves嘅時候唔可以用max change in deposits=(initial change in deposits)/rrr呢條式，又例如MV=PY（V：constant）係assumption而”%change in MS= %change in P+ %change in…
接近滿分5**Econ溫習方法（Overview）
【想睇曬全文就撳文章標題啦】黎到我投資得最多時間落去嘅econ啦，究竟我係點樣溫Econ架呢？我嘅96%分數係點樣攞返黎架呢？ Econ係我最鍾意嘅科目之一（嗯，其實三科electives我都好鍾意…），因為我覺得econ好有趣、好講邏輯，只要搞清曬d concept，熟悉marking scheme，要攞高分，其實唔難。Econ講求嘅唔係背野，如果你讀econ嘅方法只係靠背誦，咁你要儘快轉方法啦！（當然，有某d課題例如public limited company，economies of scale etc真係要背，不過只係少數）基本上你搞清曬concept，只要跟住個logic flow去答，根本唔需要刻意背誦。 咁問題黎啦，點樣搞清楚d concept呢？ 我自己就覺得讀econ最最最最最重要嘅兩隻字係THINK AND ASK! THINK AND ASK! THINK AND ASK!!! 呢兩隻字真係清concept嘅關鍵。好多時候，上堂聽書你好輕鬆咁明左老師講嘅嘢，就以為自己識曬果d野，其實絕對唔係咁㗎。老師講嘅只不過係你一定要明嘅basic野，未必會講到咁深入，就算我覺得我理解能力比較高，我再諗深一層/做pp就會發現我其實都有一d唔清楚/有疑惑嘅地方。所以唔好覺得你已經理解曬成個topic、只係得d弱d嘅同學仔先會唔明要問老師，無論你底好定底弱，無論係上堂、做pp定係溫習嘅時候，你都要無時無刻吳若希上身，瘋狂問自己「典解嘅？」，keep asking WHY, WHY NOT and HOW!!! 比對番你唔同渠道吸收嘅知識，睇下有冇衝突，例如「點解本書話XX但係呢一題嘅答案話yy？會唔會係個情況唔同左？」「點解呢兩題明明差唔多但係個答案咁唔同？」「點解唔可以xxxx咁諗，一定要好似marking scheme個logic咁諗？」當你自己諗唔明，就一定要問老師！(我當時個個禮拜都問老師野）我自認concept比較清，cliffyeung呢個出名難到好變態嘅mock都攞左5**，而我覺得我之所以可以做到咁嘅地步絕大部分原因都係我比其他人諗多好多、問多好多。所以真真正正做到諗同埋問嘅話，你已經贏左其他人好多
Follow My Blog
Get new content delivered directly to your inbox.
DSEHIGHBANANA 