5科5**探花General讀書心得分享
同學只需要撳文章標題就可以閱讀全文架啦！
操卷的迷思：質VS量？應該幾時操pp？
【想睇曬全文就撳文章標題啦】 成日都有好多同學問我操卷應該操記多份、究竟喺質定係量重要同埋應該幾時開始操pp，所以係到都解答翻同學嘅問題。 ⠀1. 質VS量？⠀⠀其實質同量都好重要，但係如果一定要揀其中一個嘅話，我覺得質一定係重要過量。⠀⠀做得多唔代表一定有進步㗎！如果你做完冇反思、冇review、冇清concept，咁同冇做係冇咩分別，你做幾多都唔會有用，到頭黎你只不過係浪費緊自己嘅時間。所以唔好盲目追求操左幾多份pp，唔好做完一份pp之後即刻匆匆忙忙咁做下一份啊！⠀⠀其實每個人可以做嘅pp都係得咁多，點解有d人做完20份pp之後可以進步好大，但係有d人做完20份都係一d進步都冇？歸根究底，就係你操pp嘅時候嘅質量。咩叫「質」呢？「質」就係講緊你從每一份pp中學到幾多野。每做完一份pp，你應該review番份卷，分析番d答題技巧/清番concept，以確保你可以充分運用每一份pp！如果你做完一份pp覺得自己一d野都冇學過嘅話，咁你應該係冇用盡份pp，即係你嘅「質」出現左問題，所以你應該擺多d心機落去做完一份pp之後嘅反思。⠀⠀2. 幾時開始操pp好？未溫曬書應唔應該操pp？⠀⠀pp越早做越好，就算係中四五嘅同學都可以開始做by topic嘅pp。⠀⠀我成日都收到一個問題：未溫曬書應唔應該操pp？⠀⠀其實你要知道其實操pp本身都已經係溫習嘅一部分，所以你唔係要100%熟悉d內容先可以做pp。我覺得只要你對d topic有一個大概嘅認識，咁就已經可以開始做。尤其係中六嘅同學，得番咁少時間，你冇理由仲要慢慢等你完全溫曬所有野先開始做pp家嘛🤢當然，如果你根本連d basic嘅野都唔識就走去做pp，咁就只不過會浪費左份pp，所以你做之前一定要make sure你有個basic understanding啊 ⠀⠀
最後一個月的時間分配⠀
【想睇曬全文就撳文章標題啦】 之前已經出post講過最後三十日以及DSE期間嘅最後部署啦，不過有d同學可能仲有d疑惑，所以就出多個post講多次🤪⠀ 有唔少同學問我，最後果幾個禮拜應該擺多d時間落core定係elective，其實我都係覺得冇一個固定嘅答案，都係因人而異㗎姐🤔。(sorry to disappoint you by giving this answer, but i really can’t force myself to give one absolute answer coz everyone’s situation is so different—how can you give ONE standard answer to so many different people?🤨)⠀⠀✍🏻你要考慮嘅就係呢幾樣嘢：⠀⠀1️⃣你考完core有幾多時間溫你嘅electives？果d溫習時間夠唔夠你去達到你嘅目標？你嘅底如何？⠀⠀如果你有成個禮拜溫（甚至更多）某elective，咁你四月可以擺少d時間落果個elective先，除非你知道你自己果科係一個禮拜都溫唔曬嘅（but tbh我覺得大部分科目一個禮拜都已經夠曬）。如果你發現你elective同elective之間得2、3日溫嘅話，咁你要喺呢個月裡面溫多d後面果科elective，除非你已經熟到依家就算唔點溫佢都好都可以2、3日內溫曬所有內容。同樣地，你都要睇下你core嘅底。假設你英文/中文/LS/數學已經勁到唔駛點做都可以有你想要嘅grade嘅話，咁你緊係擺多d時間落其他科啦。如果你electives好好，core同你aim嘅grade有一大段距離，咁你就梗係擺多d時間落core啦。⠀⠀2️⃣Marginal benefit（你擺多d時間落去你可以進步到幾多）⠀⠀另外，你都要睇下你擺d時間落去係咪真係值得。例如，有d科係好難去喺一個月內進步嘅，但係有d科可以，咁你擺多d時間落可以快d進步果科你得到嘅回報理論上都會大d。In general，其實core的確係比起elective難進步嘅（不過我又唔會一刀切話所有elective都難d，始終科科唔同），所以假設你所有科目都差唔多grade嘅話，我覺得擺多d時間落elective好d （當然，係確保你一定有3322嘅情況下）⠀⠀✍🏻咁究竟溫嘅次序應該係咩呢？⠀⠀最後果個禮拜你其實都一定係集中溫core㗎啦，除非你d core勁到唔需要點溫都有5**。Before果個禮拜，你可以分散溫好多唔同科，包括keep住溫core（core好弱嘅就可能allocate多一個禮拜集中溫core）。我平時校內考試會用一個general嘅rule：越遲考就越早溫。（即係假設你考嘅順序係ABCDE，你溫嘅順序就係EDCBA，令到你考A/B嘅嘅時候記憶猶新，而你之前已經溫左CDE，考前果幾日再重溫番就ok）但係我去到考dse就冇咁做，都係一直keep住溫唔同嘅科，冇特登話邊段時間溫邊一科，始終我都驚一開始溫左E先之後臨考E前太耐冇掂過E記憶會模糊，唔夠時間溫E🤢。所以你可以自己考慮下要唔要跟呢條rule。⠀
操卷的迷思：我操左幾多卷？應該操幾多？
【想睇曬全文就撳文章標題啦】就黎考dse啦🥴，操卷係非常重要㗎，但係原來好多同學都對操卷有d疑問，所以我就特登開po解答下最多人問嘅問題lu🤣一個post講唔曬，所以要開一個系列講🙈⠀ ⠀1. 我操左咩卷？⠀⠀✍🏻中文⠀卷一：All DSE-related pp (dse 2012-2018pp, sp, pp)⠀卷三：某補習名師mock卷（X 10幾20份）⠀⠀✍🏻Eng⠀P1: All DSE-PP⠀P3: All DSE-related PP⠀⠀✍🏻Maths⠀1988-2011CE, all DSE-related pp⠀⠀✍🏻LS⠀DSE 2012-2018 PP⠀⠀✍🏻中史⠀All DSE-related pp (必答題only！）⠀⠀✍🏻History⠀Um i don’t really know lol coz i just did all of kwho’s 瘋紙, which includes some DSE pp (i didn’t intentionally look for pp to do by myself) (did the pp and…
DSE延期應對大法
【想睇曬全文就撳文章標題啦】 喺開考前一個禮拜左右，考評局無啦啦宣布DSE會延期，相信都令唔少同學嘅計畫被徹底打亂，所以係到都想俾翻d guidelines各位同學，等你地知道點樣應對今次嘅延期。 1️⃣心態調整⠀⠀我知你地其實已經接近臨考前嘅狀態，突然間宣布你要挨多一個月會冇左motivation，因為過去嘅果個月你已經chur到好盡，你已經唔想再咁落去，想盡快脫離苦海。呢段時間其實個個都會好努力，把握呢個突如其來嘅機會黎溫書升grade，所以我覺得你地突然間多左一個月一定一定一定唔可以鬆懈！！！所以你可能要俾休息一兩日，之後就要盡快進入番狀態，努力溫習（如果唔休息嘅話可能會好頹，頂唔順）。尤其係d去到最後果個月先開始認真溫書/驚溫唔切書嘅同學，呢個係你扭轉逆勢嘅最後機會，請你一定要好好把握呢次機會，唔好又hea到最後果兩個禮拜先開始驚。⠀⠀2️⃣寫低每科嘅to-do list⠀⠀⠀如果你本身有d科已經溫得7788嘅，都幾肯定可以achieve到你要嘅grade，咁我覺得你呢個月就要努力sustain呢個grade，唔好唔理呢d科然之後就退步左，咁就會好唔抵。eg for範文，如果你已經背好曬，咁你應該keep住每隔一兩日就背一次，make sure自己一直記得果d篇章，唔好幾個禮拜都唔理範文然之後去到最後個禮拜先重新pick up番，咁就會前功盡棄（因為你由0開始再一次過背曬12篇真係好難）。⠀⠀等我具體d再講下每一科先：⠀⠀✍🏻中文/Eng：⠀⠀👉🏻作多d文！（esp 中文想升grade嘅話操議論文真係可以好快進步！）（就算係平時作文幾好嘅同學，我都會建議keep住作下文）中文嘅話如果你打算作議論文而未記例子，咁就一定要把握呢個機會記啦！（小廣告：可以買我嘅中文萬用神例集vol 1）⠀⠀👉🏻做pp（如果未做完）。如果你已經做曬d pp，咁我唔建議重做pp不過你可以再深入d咁研究p1同p3 marking，睇番你做過嘅卷搵番自己嘅弱點。⠀⠀👉🏻中文：儘量操下d p3 mock卷（p3最易升grade）⠀⠀👉🏻Eng: 底差嘅快d溫番d grammar！都係果句，grammar差嘅話無論你有幾多skills都唔會幫到你好多。底ok嘅可以背下synonyms/phrases做最後衝刺⠀⠀✍🏻Maths：⠀⠀［我唔係d咩專家所以aim 5**嘅可以直接skip左呢part］⠀⠀操卷！鞏固番你已有嘅知識（操曬pp都唔緊要，你可以重做d你錯過嘅題目，有針對性咁改善你嘅弱點。或者你都可以做下出面d 高質mock卷）⠀⠀如果有d咩topic你仲係未識嘅（而你aim嘅grade supposedly你係要識嘅），咁就快d集中搞番掂果d topic先！⠀⠀✍🏻LS：⠀⠀👉🏻冇咩溫concept嘅就快d溫！已經溫左d concept嘅就keep住溫熟d 同埋深入d（eg 點拆細d d concept，d concept咩情況下apply 到，有冇咩例子etc）⠀⠀👉🏻例子！未儲嘅話（而如果你aim5+）快d溫d例子！已經有嘅就睇下夠唔夠，夠就冇問題，keep住溫就ok⠀⠀👉🏻操！操曬pp嘅話可以再review番你d 卷（上網睇下考評局d高分sample同埋果d sample嘅comments），同埋可以睇下有冇d咩高質mock卷（利申：我唔知，因為我冇做過）⠀⠀中史：⠀⠀一定要確保你已經做左必答題嘅所有pp，明白必答題點玩。可以睇下d高分sample/常見題目點答。可以好briefly咁go through d內容（現階段唔需要溫得咁深入住，溫完你都唔會記得，都係留番考前溫）。論述唔得嘅就做多d題目。⠀⠀History：⠀⠀確保你每課最重要嘅內容都記得先，details可以唔駛記住。操下卷/做下練習！⠀⠀Econ:⠀⠀如果有d課題你未清concept嘅就清左先！如果d concept已經清得7788，咁你應該go through番你錯過嘅野，同埋睇下有冇d咩額外練習可以做。⠀⠀3️⃣調整schedule⠀⠀如果你有d科係已經reach到你想要嘅grade，你可以相對地擺少d時間落去，只需要sustain倒你嘅grade。如果有d科你未reach倒你想要嘅grade就要擺多d時間落去，用最直接有效嘅方法升grade。另外，建議你地要practical D，set d practical d嘅目標，例如你如果要一個月內數學/中文/英文2升4，frankly speaking, 我真係覺得冇咩可能，升一個grade都仲ok，兩個真係好難，所以你倒不如擺多d時間落其他科好過。⠀⠀總之，加油！挨埋佢💪🏻💪🏻💪🏻⠀ ⠀
校內成績真的重要嗎？Best 5 35的真人真事
【想睇曬全文就撳文章標題啦】 你地成日睇得校內成績好重，但係其實校內成績係咪真係咁重要？NO！！！🙅🏿♀️🙅🏿♀️🙅🏿♀️⠀⠀ 作為一個過來人，我可以同你講校內成績真係唔重要。你喺校內考得好，唔代表你出到去考得好；你喺校內考得唔好，都唔代表你出到去會考得差。⠀⠀學校嘅排名/成績/predicted grade其實未必可靠，因為：⠀1️⃣出卷嘅模式可能同出面有d分別⠀2️⃣改卷嘅標準都可能同出面有d分別⠀3️⃣你如果讀文科eg 中史、history，而如果學校係用你所有科嘅平均分去計你全級overall排名嘅話，你一定會比較虧底（好似我咁lol）（因為好多理科可能80%先有5/5*，但係你中史 history呢d科80%都已經5**，你好難用每科平均分同d理科人去鬥🧟）⠀4️⃣你有機會只不過係校內試失手/咁啱出左d你唔熟嘅嘢所以低分⠀5️⃣校內試同你真正出去考dse之間仲有一段時間，果段時間你有機會升到grade⠀⠀所以無論你學校排名係幾多都好，都唔好俾佢影響左。唔好因為校內成績唔好就好頹，亦都唔好因為校內成績好好而沾沾自喜，因為最後個結果係點冇人知🤪。⠀⠀我就係一個實實在在嘅例子🙈。你地可以睇下呢幅圖，個table寫曬我中四至中六咁多個學期每一科嘅全級排名同埋overall form ranking，仲有我最終嘅dse成績。 你可以見到，我中四上學期至到中五上學期都係全級第6-10名之間，每個學期都有d科目考第一。但係中五下學期d成績一落千丈，跌出左頭10，中六嘅成績都唔係咁好，呢段時間我連一個第一都冇🤢（原本希望可以實現一次全部elective攞第一添）我真係接受唔到econ竟然考第18，真係好大打擊，同埋我英文不嬲junior form年年頭10，去到高中竟然搞成咁我都好失望…點知最後，我竟然考到呢個成績，仲要得到全級第二好嘅dse成績，成績好過好多平時一直都係頭5嘅人🙈😱我自己都嚇左一跳，唔係好敢相信我考到呢個成績🤯我諗好多同學都俾我嚇親😂因為我唔係攞開頭5嘅人。⠀⠀所以喺度想同大家（特別係我嘅師妹😆）講：唔好將學校排名睇得咁重，其實你最後考成點，真係要到放榜果日先知，唔好俾自己依家嘅排名/成績limit左自己，coz who knows what miracles you can achieve?🥳🥰🎵💪🏻⠀
最後階段唔做就一定會後悔嘅事
【想睇曬全文就撳文章標題啦】 雖然得到Best 5 35嘅分數，但係我都有d後悔嘅事情，所以都希望係到同大家講下，等大家唔好再有d咩遺憾啦！ 中六嘅你唔做就一定後悔嘅事就係以下呢d：⠀⠀1. Review mock同埋功課‼️‼️‼️⠀⠀唔會有好多人特別提醒你呢樣嘢，但係呢樣嘢你唔做真係會10000000000%後悔！🤢🤢🤢⠀⠀你考完嘅mock要自己再review兩次，第一次就係你收番d mock嘅時候睇番自己錯咩/有咩做得好/有咩做得唔好，知道自己嘅弱點（eg邊d課題弱、答題差d咩）之後就要呢個月之內train番。千祈唔好考完見到個分同埋predicted grade就算，如果唔係其實你係浪費左份mock同埋你做份mock嘅時間。⠀⠀第二次review份mock就係臨考前review，要連埋其他功課/test一齊睇番！我果陣就係冇臨考前睇多次所以考完真係超級後悔，因為中史佢出嘅果條士族寒門係我之前做過嘅（考評局唔知邊年pp出過d 90%相似嘅嘢，咁啱之前老師當功課俾過我地做），仲要果次我都幾高分但係我考dse前冇睇番，結果我果條做得唔好，買完卷出黎發現我果題好低分。（如果我冇5**，我真係後悔死！）。LS都係，學校mock出左d關於古蹟保育嘅嘢，結果dse都出左d差唔多嘅嘢，但係我又係冇溫，後尾就5*左LS（雖然應該唔止係因為呢題）。Econ又係，條essay出trade war，學校mock都係，我又係冇考前再睇番（雖然我都已經預計trade war係大熱課題），不過好彩我後尾條essay滿分而且攞左5**，如果唔係我都真係會好後悔！！！講左咁耐，就係想你地知道 臨考前一定一定要review番曬你d mock！（同埋功課）🤪🤪🤪⠀⠀2. 考慮下cut 補習‼️‼️‼️⠀⠀得番一個月，補習係咪真係仲值得？你補一科佢都成個幾鐘（加埋交通時間可能分分鐘成3-4個鐘），究竟你自己溫習自己操卷嘅得益定係你每個禮拜用幾個鐘補習嘅得益會大d？你真係需要考慮下cut補習啦。認真，你可能補左好耐，要學嘅應該都學得7788，你上多幾堂真係會有好大幫助咩？我唔會話一定要100%cut曬所有補習嘅，畢竟可能有d真係有用，但係我urge你地 一定要好好思考下補習嘅問題，起碼諗下係咪值得先，因為一個月嘅時間真係好少，每一分每一秒都好 珍 貴！🥺🥺🥺⠀⠀3. plan好你嘅時間‼️‼️‼️⠀⠀每分每秒都咁珍貴，你呢兩個月唔好再浪費時間啦，一定要plan好你d時間，用最短嘅時間達到最好嘅效果！可以參考我「最後三十日部署」果個post💪🏻
Study groups
【想睇曬全文就撳文章標題啦】 我見有時d人會同自己d同學一齊溫習（約出黎/skype），不過我自己就唔會咁做（好浪費交通時間+好容易變左做吹水）⠀ 但係喺備戰dse嘅過程中，我都有同d同學互相幫忙嘅，想知我form d study group係點樣運作嘅話就記得睇埋落去啦！ 我同另外兩位同學有開個whatsapp group，我地三個都有讀econ，我econ比較好，佢地數學比較好，咁我地果陣遇到d咩唔識嘅econ/數學題目都會影上個group到問，然後解答下對方。我覺得呢樣嘢幾好，因為問果個可以有人解答佢嘅問題，答果個又可以當係溫故而知新咁，同埋有時候有d同學問嘅問題可能係我地平時冇乜點留意冇乜點諗過嘅，咁我地就會作出更加多果方面嘅思考，清下concept。所以你地都可以考慮下做d類似嘅嘢。⠀⠀我同果兩個同學都有其他方面嘅合作，例如我同同學A都有補/補過某中文名師，但係個名師d筆記太厚，我地就各自寫下筆記summarize下筆記內容，例如我寫邊幾期佢寫邊幾期咁，然之後我地就影印下對方嘅筆記for自己黎溫習。後尾因為整理果堆成疊山咁高嘅筆記太曬時間，所以我地就放棄左呢個project。不過就合作方式而言，我覺得個format係幾好。如果各位同學本身有寫開筆記，咁你可以同d同學交換睇下。⠀⠀我同同學B就合作打左一份英文每個文體有咩要注意、有咩句子可以用嘅筆記，仲會incorporate埋我地各自補習嘅時候補習老師所講嘅skills。呢個合作嘅方法都幾好架！（不過你地如果係2020dser就唔建議你呢個時候先走黎打筆記，會浪費時間）⠀⠀呢個post就講到呢到啦，有用嘅話記得付諸實行啦🤪⠀
最後30日以及DSE期間的最後部署
【想睇曬全文就撳文章標題啦】 最後關頭嘅部署係非常非常重要架！你一部署得差就好大影響，你部署得好就有機會幫到你升grade，所以我都想同大家分享下我嘅最後部署 （你地可以參考之後果兩幅圖，我頭先特登搵番果陣嘅schedule book整理番我三月同埋四月期間每一日溫左d咩科。黑色粗筆就係代表我果日考嘅科eg 1/4考中文卷1、2。粉紅色筆就係代表我果日溫左d咩，大部分日子我都有寫埋我每科具體做左d咩，但係有d日子我搵唔到就淨係寫左溫左咩科就算） 學校二月尾派番d mock卷俾我地，所以我三月頭都用左d 時間去睇番我各科嘅mock有咩做得唔好。⠀⠀而三月頭對曬d mock之後，我都係正正常常咁溫習，冇乜好特別嘅部署。由於我數學同埋LS都係臨急抱佛腳考，所以我果陣都仲做緊好多數學/LS卷，你可以見到我係幾乎日日做數學pp咁濟。⠀⠀由於中文1/4就開始考，我由25/3開始就集中溫中文，主要都係溫範文同埋作文（因為我不嬲都冇乜點作文，到最後果十幾日發現唔掂啦，就瘋狂咁作文）。⠀⠀而由於LS係3/4考，我in between 中文同LS冇乜時間溫LS，所以我三月尾都有溫多d LS（雖然都唔係好多…）。而我1/4考完中文卷一同二之後，我用左d時間溫LS（因為中文綜合唔係太多野可以溫同埋我冇乜時間溫LS）。考完中文卷三我都係全力去溫LS。⠀⠀而英文係我考完LS之後果一日考，都係冇乜時間溫，所以三月下旬我都有作一兩篇文。（不過我都真係冇乜點溫英文，因為其實去到最後都冇乜嘢好溫…）考完LS之後我就即刻走去溫英文卷1&2。由於英文卷3冇乜嘢好溫，所以我考完paper1-2之後係集中火力溫數學，係去到考eng paper 3前一日嘅7pm（？）左右先開始溫eng p3。⠀⠀我8/4考數學，而我4/4開始就集中火力溫數學。但係其實果幾日唔係好多，同埋我最後果兩日其實係愛黎go through番曬成個syllabus，所以我三月都操左好多數。⠀⠀至於我econ呢，因為我之前已經擺左好多時間落去，而我其他科似乎需要多d時間黎進行急救，所以我三月econ係溫得比較少。而我dse期間就有8/4-11/4呢段時間溫econ，講真我內容果d平時已經溫到好熟，所以我只係用左10/4 同埋 11/4重溫番d 內容，果d要背嘅嘢eg 唔同companies/唔同expansion/唔同wage payment methods我就留到考前一日即係11/4先重溫。8/4同9/4就用黎做下練習。由於我之前一直都係做by topic pp，我8/4同9/4就分別做左成份2018嘅p1同p2，感受下成份卷一齊做嘅感覺。⠀⠀至於我history呢，由於我之前一直都冇咩點成份essay/dbq咁操（我之前係寫point form），同埋四月應該冇時間俾我咁樣操，所以我三月就操左d essay同dbq。而去到四月，由於我考完中史之後得5日溫history（中間仲要考個m1），所以我就用左12/4-17/4呢段時間再溫下history，等我有少少記憶先，然後24/4考完中史再投入番history嘅懷抱當中。四月我就好似冇乜再操history啦，主要都係溫內容、睇範文。⠀⠀中史我成個三月應該得3/3呢日有溫到中史，然後我就係用17/4-23/4呢段時間全力溫。（你可以見到我個schedule其實好趕，差d溫唔曬，所以其實最理想就應該係16/4開始溫，不過我history溫得太慢）⠀⠀m1係我已經放棄左嘅科目，所以成個三月同四月都冇理果佢，只係考前一日用左幾個鐘溫下（因為要溫history，所以我唔會擺太多時間落m1）⠀⠀嗯，我三四月嘅部署大概就係咁，你地可以參考下🤪⠀
致中六的你
【想睇曬全文就撳文章標題啦】 各位應屆文憑試考生：⠀⠀話咁快就得返一個月，相信呢個時候嘅你都大家應該喺到努力溫緊書，但係同時，你地依家都可能會覺得好驚、唔知點算好、好無奈、好無力。 作為上年嘅DSE考生，我都完全明白你嘅感受。仲好記得得番一年、半年、100日嘅時候我都會覺得好大獲，但係到第90日嘅時候又反而冇得番100日咁驚，因為可能三個月嘅感覺唔係太近，我未必好有真實感，所以其實我雖然好擔心自己入唔到a1，但係一直都有冇話覺得自己好大壓力，冇d乜特別嘅行為。但係去到舊年嘅呢個時候，我真真正正咁feel到佢真係迫緊埋黎，壓力真係前所未有咁大，差唔多爆煲咁濟。我果陣覺得自己好多野都未溫，覺得自己溫書嘅進度太慢，覺得自己好無用，成日都會怪責自己效率太低，好嬲自己，係咁喺private ig上面埋怨自己。我果陣變得好暴燥，成日都好「mung」，屋企人講一兩句我就會覺得佢好煩，又成日溫溫下書突然間覺得好嬲自己，就喺到猛咁dup/拍我張檯（雖然隻手會痛），又會有時攞d好厚嘅書dum落地下，越大聲我越滿足越relieved，我果陣真係第一次有呢d咁異常嘅舉動，我都估唔到自己嘅壓力積埋積埋原來已經去到呢個地步。⠀⠀所以如果你地呢排開始覺得好大壓力，其實都係幾正常嘅，好多人都會經歷呢d野（但係如果個問題真係好嚴重，你可能要去睇下醫生），去到呢個時候其實大家都會覺得好無助好frustrated好自責，但係唔好氣餒，唔好因為咁而好頹好想放棄，唔好成日諗住你一定會考得差。其實理想中嘅你同現實中嘅你其實點都會有d差距，即係無論你幾努力都好，你都會覺得自己應該更努力，你永遠都唔會覺得自己已經夠努力，呢個係人之常情，所以你唔需要過份自責、過份擔心。好多時候，其實你自己已經好努力，你阿爸阿媽覺，你d朋友覺，但係你自己唔覺。俾d信心自己，相信你自己嘅能力，相信你過去呢三年所付出過嘅努力。嘗試搵下自己最有效嘅紓壓方式，唔好將所有嘅負面情緒收收埋埋，試下同其他人分享下你嘅諗法，咁樣會舒服d。⠀⠀有時，你可能會溫到好頹、好想放棄，覺得自己頂唔順。但係記住，機會就得一次架姐，你唔會想俾自己有後悔嘅機會。唔好俾「搏盡無悔」單單成為你安慰自己嘅方法，因為你「無悔」嘅前提係你的確有「搏盡」。其實無論你放榜後成績幾好，只要你冇真正搏盡，你都一定會後悔。雖然我依家有呢個成績，但係你問我有冇d乜遺憾，我一定話有，因為我根本就冇「搏盡」。所以希望你地捱埋呢兩個月，唔好俾自己後悔嘅機會。當你想hea、唔想溫習嘅時候，你可以提番自己，你考完dse就有三個幾月可以想做咩就做咩，唔需要再溫習，你到時再玩盡佢hea盡佢都唔遲。同埋你可以想像下，你過左一年會係點樣樣，你會做緊d乜？如果你入到A1，你嘅大學生活係點樣樣？我相信你依家辛苦多兩個月入到a1從而得到嘅滿足感一定大過你依家睇youtube睇多10個鐘所得到嘅滿足感。所以當務之急就係要努力溫書先，最緊要就係要對得住自己，唔好令自己後悔。亦都係因為咁，當d人問我aim高分d入自己興趣大d嘅科好定係aim低分d入一科你實入到嘅科好，我永遠都係會話aim高分d好，唔好覺得自己入硬你想入嘅科而唔需要咁努力，因為過左dse之後你一定會好後悔點解自己當初唔搏盡。你搏盡，的確唔可以guarantee你實入到A1，但係起碼你問心無愧；相反，你唔搏盡，就一定會遺憾終生。⠀⠀仲有啊，唔好成日同人比較，你可能會喺studygram見到人地好努力，寫好多notes，作好多文，操成十幾次pp，但係可能人地中四開始已經日日搏盡老命去溫書、aim做狀元呢？如果你唔係aim做狀元嘅話，你冇必要同果d人去比較，顧番掂你自己就ok。同埋，溫得多唔代表一定有用，溫得少都有唔代表一定冇進步，人地寫得多notes亦都唔代表佢實有好大嘅進步，一切其實都係睇番果個溫習方法啱唔啱你自己姐。有機會係人地work hard but not work smart呢，又或者你地所適合嘅方法根本唔一樣，有機會人地要寫notes先有進步，你靠另外一d方法都已經可以進步。所以同其他人去比較完全係不必要嘅。⠀⠀你地呢一屆比較唔好彩，又要經歷一d影響自己情緒嘅社會事件，依家又有個武漢肺炎，令到你地嘅溫習進度受到嚴重影響，你地真係辛苦曬啦🥺我相信你地捱左咁耐，都一定有能力同埋決心捱埋落去，你地好快就可以脫離苦海架啦！希望（如果你a1係中大嘅話）我下年可以喺中大見到你地啦🙆🏻♀️加油啊💪🏻⠀⠀dsehighbanana上⠀2020年2月26日
Study leave 溫習「時間表」
【想睇曬全文就撳文章標題啦】⠀等我講下我study leave每一日嘅「時間表」先。⠀⠀同好多其他學術分享嘅account唔同，我冇一個好固定嘅時間表，唔會話一定要將一日分做幾多個session或者每一科一定要溫幾多個鐘或者一定要幾點溫d咩科。⠀⠀ 我係一個隨心所欲派，唔會有d 好rigid 嘅schedule，因為老實講我跟唔到。我暑假嘅時候都試過set個schedule俾自己，但係我發覺我好難迫到自己一定要到左某一個時間就即刻停止我手頭上嘅工作然後開始溫另一科，因為我比較鍾意一氣呵成，唔鍾意做做下一d嘢被迫要move on去其他野，例如econ by topic pp咁，我會prefer一次過KO一個topic（包括對答案）。同埋其實你如果有個好rigid嘅時間表嘅話，咁有d task嘅需時有長有短，例如econ pp 每個topic因應佢嘅難度同埋我本身對個topic嘅熟悉程度，我所需嘅時間都唔同。操中文卷三雖然做嘅時候有時間限制，但係我之後研究marking嘅時間冇限，可以有長有短。maths都係，我冇法迫自己一定要限時內寫完錯題簿。所以我唔鍾意fix死曬我每日幾點要做咩、每科溫幾耐。⠀⠀咁所以我每日都冇咩fix死左嘅schedule，我fix死左嘅嘢就只有以下呢d：⠀9 / 10am 起身⠀1pm lunch、沖涼⠀8/9pm dinner⠀1/2am sleep⠀中間嘅時間就係攞黎溫習⠀⠀咁至於我每日有咩做呢？呢個就唔係random嘅，而係我一個禮拜前已經set好果個禮拜每一日有咩做，而我果個禮拜嘅goals都係按番我macro嘅study plan寫嘅（可以參考我之前關於time management嘅post）總之我每日都有個checklist俾自己完成，通常每日溫1-3科，總共10-13hours左右。⠀⠀（可以參考下下面嘅圖）⠀ 我唔係話set死每日溫幾多科、每科溫幾耐、朝早溫咩、下晝溫咩唔好，只不過係我覺得我個approach會flexible d，我自己就啱呢個approach多d。唔同人有唔同嘅需要，可能有d人會鍾意d rigid d嘅approach黎令自己自律，咁你地可以跟其他人果d，想flexible d就可以跟我嘅approach⠀
成績好差點算好?
【想睇曬全文就撳文章標題啦】 成績未如理想嘅話，相信好多同學都會覺得好唔開心，好想放棄。但係你地唔應該一味諗要放棄，應該諗下點解你嘅成績未如理想，嘗試改變你嘅成績。⠀⠀🍌首先，你應該諗下：係咪你嘅溫習方法唔啱？你依家嘅溫習方法係咪真係有效？…⠀⠀ 唔好盲目咁stick to任何一種溫習嘅方法，例如盲目咁瘋狂補習、瘋狂寫notes etc。呢d方法未必真係對你有效，啱人地嘅方法唔一定啱你，啱你嘅方法都唔一定啱人地，而啱你某一科嘅方法未必啱你其他科。所以唔好覺得係得你依家個方法先work。你真係要認真反思下：究竟呢個方法嘅成效有幾大？如果你明明自己好專心上某名師嘅堂、努力溫果個名師嘅notes、做果個名師嘅功課之後都冇咩進步，咁你就應該quit，唔好因為人地補完果個名師有好大進步你就隔硬逼自己補埋落去。如果你寫notes對你果科冇咩用，唔好因為寫notes令你好有滿足感或者d notes好靚好適合打卡就繼續瘋狂寫notes。如果你發現寫notes對你某一科好有用，唔好諗住所有科都寫notes就會令你進步，因為每一科係唔同架。雖然補習同寫notes有時候有用，但係唔好當佢係金科玉律，以為補習/寫notes就一定可以幫到你（關於寫唔寫notes、補唔補習我之前有post講過，可以自己睇番），畢竟呢d野都係好睇適唔適合你自己嘅。總之，你一定要每一科都搵到最適合自己嘅方法，當你某d科嘅方法冇咩用嘅時候就應該果斷咁轉方法。⠀⠀🍌你要搵出你每一科嘅弱點喺邊，然後對症下藥咁解決問題。例如如果你某幾個topic好唔熟，就應該溫熟果d topic先。如果你係成日都推論不足，咁就應該練推論。如果你唔夠時間，咁就應該計時做卷，訓練自己嘅速度。如果你篇文結構唔好，就應該集中練結構。⠀希望幫到你地啦 加油💪🏻如果你唔知道你自己嘅弱點係邊，可以參加我嘅一對一高度個人化嘅諮詢服務，一定會幫到你手架⠀
點樣分配時間？2019年探花的時間投資⠀
【想睇曬全文就撳文章標題啦】 距離2020dse只係剩番三個月左右，點樣分配你嘅時間係非常之重要，所以就等我講下我自己係點樣分配時間架先，等你地可以參考下。⠀⠀ 大家可以睇下我上面幅圖去了解我備戰期間擺左幾多時間落每一科到（唔計補習），每一科括住嘅就係我dse攞到嘅grade。⠀⠀我果陣每一科aim嘅exactly就係我依家呢個grade，雖然gbs係4c2x，但係我希望3個x都5**，以防萬一。⠀⠀咁我就逐科解釋下點解我會擺咁多/咁少時間落去先～⠀ 首先就係我擺得最多時間（33%）落去嘅econ，呢一科我係aim 5**，而且我都好鍾意呢科。econ呢一科個cut-off超高，要多過90%先有5**，即係一定要好穩陣先得。而你要確保自己每一題都冇錯漏嘅話，就一定要清曬你嘅concept。清concept並唔係話明左老師教嘅嘢咁簡單，你係真係要了解個topic了解得好深入，所以我擺左好多好多時間落去清concept，確保我穩穩陣陣咁攞到5**，結果我就以96%分數攞左5**⠀⠀至於我擺左28%時間落去嘅history，我都係aim5**，因為學校冇咩點教skills啊框架啊果d所以我去左補習。補kw嘅時候我發覺hist係靠操，所以我知道我一定要擺好多時間落去先攞到5**，所以我擺左好多時間落hist到⠀⠀maths係我不嬲好弱嘅一科，我原本個底係5左右，但係由於gbs要計4c2x，數學一定要計落admission formula到，我唔想俾數學拖累，所以都aim有5*，而我知道數學呢一科真係要擺好多時間落操先有進步嘅，所以我就擺左15%時間落去寫notes、操卷、整錯題簿etc⠀⠀中文方面，因為中文呢科其實好fluctuate，但係我4c2x中文又好重要，所以我都擺比較多時間（13%）落去操卷三（呢份卷比較穩定），平時都會背下範文。暑假嘅時候我都用左好多時間寫notes，不過依家睇番我真係唔應該寫中文notes，完全係浪費時間，所以其實我都唔應該擺咁多時間落中文到。⠀⠀至於我攞straight 5**嘅英文，我擺左5%時間落去。除左做dse 2012-2018 p1 同p3 同埋作過幾篇文之外，我就咩都冇做過。我擺咁少時間落去嘅原因係我個底本身幾好，除左exam skills之外都冇咩特別野可以溫……同埋對我黎講，擺再多時間落去其實結果都係差唔多⠀⠀LS呢一科我成日覺得唔知點進步，加上呢一科你get到個答法嘅話其實就唔需要擺咁多時間落去都可以keep住個高嘅分數，所以我就有拖延症，諗住臨到1月先開始溫ls，只係擺左4%時間落去…我亦都唔aim 有5**（有就緊係好啦不過），所以都冇咩擺時間落去…我最後就攞左5*⠀⠀中史係我最鍾意嘅一科，但係我只係擺左2%時間落中史，因為我個底都ok，中四嘅時候老師都已經覺得我會攞5**，咁所以我又唔需要溫咁多先攞到5**。中史要背嘅野好多，但係其實我自己覺得咁早溫定都係會唔記得，都係要到最後再重溫多一次，倒不如臨考前先溫中史，用之前嘅時間溫下其他科⠀⠀至於喺幅圖裡面消失左嘅m1，其實我有打到落excel架，只不過我用左0.0000001%時間溫m1，個excel唔將佢show喺個graph到…點解我要咁樣放棄m1？因為gbs 4c2x，而我對我果3x都幾有信心，相反數學不嬲都係我嘅弱點，我冇信心m1可以好過我果3x，所以就唔想擺咁多時間落去。最後m1攞左個5番黎，都算係咁啦⠀⠀⠀你地可以參考下我分配時間背後嘅rationale，希望對你地有用啦！
點樣處理壓力？
【想睇曬全文就撳個標題啦】 我諗考dse嘅同學或多或少都會有d壓力，而點樣處理好你嘅壓力係好重要架，如果唔係你可能就會冇心機溫習或者集中唔到或者自暴自棄或者浪費時間喺到胡思亂想，去到考嘅時候壓力太大都會影響你嘅發揮⠀⠀咁我果陣係點樣處理壓力架呢？⠀ 1. 用social media⠀⠀有d人會為左唔俾自己分心而del曬所有社交媒體，但係我覺得呢一個唔係個好辦法。snapchat、fb呢d冇咁常用嘅可以del，但係ig 就冇咁嘅必要，因為其實你習慣左用ig你好難真係逼到你自己完全唔用佢，最後你會頂唔順走去用website版ig，咁其實冇咩分別😂同埋就算你真係可以呢幾個月都唔用ig，我覺得你嘅生活太過枯燥乏味，你真係會冇咩娛樂，冇咩時間俾你自己去休息，當你一日24個鐘都係諗緊讀書嘅野嘅時候，壓力好容易爆煲。所以我其實備戰期間都keep住有用ig。仲有，臨考dse，我同埋其他study account/補習名師通常都會出po講下final tips，del左ig你就睇唔到架啦⠀⠀不過當然，你要自己控制住你用ig嘅時間，一日唔可以超過兩個鐘，最好就keep住一個鐘以內。至於點樣控制自己用電話嘅時間，可以睇番我「staying focused」果個post⠀⠀2. 你嘅興趣⠀⠀備戰期間都可以keep住做d你有興趣嘅野，例如做運動、畫畫etc，不過當然唔好擺太多時間落去啦⠀⠀我果陣就有間中彈下琴同埋每一兩個月就約下人去唱k（lol 其實我冇咩hobby）⠀⠀同埋我都有keep住追星🙈🙈🙈（詳情同注意事項遲d再開po講）⠀⠀3. 同朋友吹水⠀⠀relax！喺學校lunch time嘅時候同朋友吹下水啦 大家一齊放鬆下！我曾經有諗過每日用10mins落去排隊買飯+食lunch 然後衝番上課室溫習，但係我最後都係做唔到。我唔會話要限死自己10分鐘內搞掂個lunch然後溫習，而係順其自然，同朋友一路吹水一路食lunch（唔需要太趕），食完就就儘快衝上課室溫書。⠀⠀平時你都可以同朋友whatsapp吹水，咁樣做其實會令你個人更加開心。⠀⠀4. 睇綜藝節目！！！！！⠀⠀我喺屋企食飯嘅時候會開d綜藝節目睇，俾自己有d時間for娛樂，因為d綜藝節目好好睇好好笑，可以令你個人放鬆d⠀⠀私心推薦 無限挑戰 同埋running man❤️🤣⠀真係超超超好睇！⠀⠀點解唔睇電視劇，要睇綜藝節目？⠀⠀因為睇電視劇嘅話你會係咁追套劇，好容易沈迷、控制唔到自己擺落去嘅時間，同埋好容易溫緊書都仲喺度諗緊劇情，但係綜藝節目就通常都係一集一個主題嘅，冇連續性，所以你唔會係咁想追套野⠀⠀5. 同父母傾訴⠀⠀父母永遠都係我地嘅樹洞，佢地最了解我地，亦都最識得幫我地relieve stress⠀⠀6. 發洩情緒⠀⠀有負面情緒就好發洩下 唔好收收埋埋或者嘗試收埋喺內心深處。想喊就盡情喊，想同人傾訴就同人傾訴。發洩左出黎會舒服d⠀⠀希望呢d方法對你有用啦！記住 唔好依家就俾自己太大壓力 因為臨考dse果段時期同埋考dse期間嘅stress係最最最最最大嘅，我會話我三月中開始至到dse完結嘅時候我嘅壓力係真係之前嘅幾倍。所以你如果依家已經太大壓力，你臨考嘅時候肯定壓力爆煲。所以依家一定要處理好你嘅壓力啊！⠀⠀臨考dse嘅時候，我會再出po specifically講下果段時期嘅stress release。 💯💯💯
Staying Focused
【想睇曬全文就撳文章標題啦】我都明白有時候溫書溫得耐係有d難集中嘅，所以想係到provide d方法俾你地，希望幫到你地集中啦 1. 嚴密控制你用電話嘅時間📵⠀⠀唔好成日篤機！你每日篤機嘅時候其實都會浪費左一d時間，當你去到study leave發覺唔夠時間溫書嘅時候你就會後悔點解你要篤咁多機，你諗吓：每日用少一個鐘篤機一個月就有多30個鐘溫書，六個月就有多180個鐘溫書，當你每日溫8個鐘，咁即係你總共多左22.5日溫書🤯⠀⠀點樣嚴密控制自己用電話嘅時間呢？⠀⠀我果陣就download左個叫RealizD嘅app（我冇收廣告費架），裡面會紀錄低你每日、每個禮拜用左幾多個鐘篤機，當我見到密密麻麻嘅橙色格仔、知道我每日用左好多時間篤機，咁我就會好有罪惡感，之後果幾日就會用番少d電話。另外，呢個app亦都俾你set個limit俾自己，例如每日只可以用個半鐘電話咁，然之後佢會喺你用左50%/75%/100%of你嘅limit嘅時候有notification同你講。⠀⠀然後最近我都發覺ig都有呢個功能，去「your activity」就會見到你果個禮拜每一日用左幾耐ig，佢亦都俾你set個limit俾自己，到左limit會有notification。⠀⠀另外，我通常會喺自己間房溫習，如果擺部電話喺隔離咁就好容易會溫溫下書睇手機然後就拑好耐電話浪費曬d時間，所以我會熄機，然後將部電話擺入另外一間房到，閂埋果間房同埋自己間房嘅門，咁我就算想攞部電話都要企起身、開門、行去第二間房、攞起部電話再開機先可以用，好多時候就算我想用電話我都會因為懶得咁做而放棄左攞部電話嘅念頭（因為如果我擺部電話係隔離我連企起身都唔駛，直接伸隻手攞部機就ok），乖乖地返去溫書。仲有時候我已經攞起左部電話，但係見到佢閂左機又懶得等佢開機（同埋閂左機都俾個moment我諗清楚先，通常我果一秒就會提翻自己要專心所以都放棄左用電話）⠀⠀我絕對唔覺得要del曬ig fb sc或者唔俾自己上任何social media（因為我地真係需要一d hea下放鬆下嘅時間，要咁多個月唔掂任何social media真係好難），但係記得唔好用電話用上癮，篤一陣機就好啦，唔好全日攞曬黎篤機，如果控制唔到自己嘅就可以用以上嘅方法啦⠀⠀2. 休息還休息🧸 做野還做野📝⠀⠀如果你成日溫溫下書係度諗其他野/發白日夢，咁你就可以試下呢個安排啦：⠀每日都要俾自己一至兩個至少30mins-1hr嘅時間休息，自己想做咩就做咩，例如想篤機就篤機、想睇書就睇書、想睇綜藝節目就睇綜藝節目（不過唔建議睇劇！因為你會成日諗住個劇情）、想發呆就發呆，總之呢段時間之內你有咩想做就做。你鍾意篤機、發白日夢就趁呢段時間好做曬佢先啦，溫書果陣就唔好做。⠀⠀到左溫書嘅時間，你就要全力溫書，100%focus落讀書到，唔準諗其他野。⠀⠀3. 俾d危機感自己、嚇下自己⠀⠀你可以set個countdown，countdown你呢一日去到dse剩番幾多日，提自己你就快要打大佬啦、唔可以再hea啦，同時呢個countdown（或者至少你時不時要有個粗略估計剩番幾耐eg三個半月）亦都可以幫你做一d宏觀d嘅planning，例如去到邊一個禮拜要做完d咩目標。(但係如果你本身已經好大壓力咁就唔好一日一日咁countdown啦）⠀⠀另外，你亦都要警惕自己，當你諗緊其他野/用緊電話嘅時候，你要嚇自己：你再唔即刻溫書嘅話就入唔到你想入果科架啦 你寧願依家做其他野開心一陣但係考得差唔開心 定係 依家辛苦一陣放榜之後非常開心？咁你就可以迫到自己溫書⠀⠀4. Be goal-oriented⠀⠀你溫習嘅時候應該有個明確嘅目標，例如溫曬ch1-3/做完某個topic嘅pp etc，與此同時你都應該預計下你做每一樣task須時幾耐，當你有個目標溫習嘅時候就應該會專心d，而如果你aim要儘量喺預計時間之內完成嘅話，咁你時不時望下個鐘都應該可以motivate到自己專心溫書、迫自己快d做完 希望呢d方法對你地有用啦！
OLE重要嗎？（二）
【想睇曬全文就撳文章標題啦】繼續講下OLE～ 3. 參加d乜嘢OLE好？⠀⠀-同你大學想入果科相關嘅OLE eg business/medic，但係其實你又唔係真係話一定要參加嘅，唔參加都冇咩問題，只不過係參加左嘅話你interview就多d野可以吹（又或者如果你未諗好想讀邊科，咁可以參加唔同科嘅ole explore下你鍾意d咩）⠀⠀-學校club exco/學生會/joint-school association，有d leadership 嘅經驗都幾好⠀⠀-其他你有興趣嘅比賽或者活動⠀⠀-極力推薦參加Hkfyg standard chartered English public speaking contest‼️呢個係全港最大型嘅english public speaking比賽，每年都好多人參加，佢前幾日先send左email黎叫我再參加（雖然要中學生先可以參加得…），所以依家係仲有得報名架！唔係講笑，我真係覺得呢個比賽幫助左我成長左好多，因為我講野真係有自信左好多，都幫到我英文speaking。 我其實份人本身比較內斂，唔會鍾意當眾講野，當初S4參加呢個比賽其實可以話係俾老師迫嘅，但係喺訓練嘅過程中，我發覺其實public speaking isn’t really that bad, 都幾enjoy個過程，同埋作為一個冇參加過任何public speaking活動嘅人，我第一次參加就攞左個good performance嘅獎（preliminary round每一round（～30-40人）嘅top10），都幾鼓勵到我去繼續參加呢個比賽，於是S5我又參加左，今次完全係自願嘅，然後今次我嘅目標都高左，後尾就入到semi-finals，呢個比賽令我感受到public speaking嘅樂趣，同埋我講英文/講野真係比起以前有自信左好多，唔會再抗拒喺好多人面前講野，所以我絕對推薦你地參加呢個比賽。唔洗驚好多人睇住你，因為其實係得d finalists先需要喺好多人面前deliver個speech，preliminary 同埋semi-finals其實都只不過係對住個評判講，如果你想step out of your comfort zone，突破下自己，呢個真係一個好好嘅機會。⠀⠀4. 我S4-S6參加左d乜？⠀⠀（呢到只係部分，唔係全部）⠀⠀🍌一堆business/econ-related嘅野：⠀搞年宵、enactus嘅social business leader program （呢個係enactus每年都有嘅program，係關於social enterprise嘅，由於我入左enactus hk，所以你遲d參加呢個program嘅話有機會見到我🤪）、Econ School搞嘅語出經人經濟分析比賽⠀⠀🍌Conferences：⠀Harvard Model Congress Asia, Plan International Youth Conference 2018: Fight for Girls’…
OLE重要嗎？（一）
【想睇曬全文就撳文章標題啦】我諗好多人都會對參加OLE (other learning experience) 有d疑問，就等我解答下啦⠀ ⠀1. OLE重唔重要？⠀⠀對於豐富你中學生活、俾你explore下唔同aspect、發揮潛能、個人成長呢d，OLE的確幾重要，透過參加唔同嘅ole，你都會學到好多野，可能會inspire到你或者幫到你個人嘅成長⠀⠀但係如果你係講緊入本地大學嘅話，咁老實講ole真係唔係咁重要。大部分科目收生主要都係睇你嘅分，唔係睇你參加過幾多OLE有幾勁。（除非你咁啱係marginal case，個分同其他人一樣嘅話，咁佢先會再睇其他因素，例如interview同埋OLE etc.） OLE基本上對入大學冇咩用，對我黎講佢嘅作用就係俾你interview （for大學或者一d相關嘅scholarship或者計畫）裡面有嘢可以吹，有嘢可以convince到interviewer你對呢個program好有興趣，所以OLE真係重質不重量，唔需要多。⠀⠀當然，有d人好勁，OLE非常非常突出，例如係代表香港/中國出去d國際比賽，或者喺d國際比賽到攞獎，又或者喺好多唔同嘅aspect都有好大嘅成就（eg話劇游水義工服務跳舞都好勁果d），或者對社會嘅貢獻好大，咁你就有機會透過運動員計畫/校長推薦計畫/民政事務處推薦增加你入大學嘅可能性，例如有conditional offer咁樣，如果你係呢d人，而你成績唔係咁好、驚入唔到大學嘅，咁你有機會靠呢d計畫入大學，咁ole對你黎講都可能幾重要。（但係，咁唔代表你唔駛用心讀書，你一樣要努力！）⠀⠀2. 中五/中六仲應唔應該參加OLE？⠀⠀如果你依家係中五嘅話，我覺得你應該參加下OLE，因為你中六就真係要全力去溫書，唔會有時間參加OLE，所以中五係你最後一年可以enrich你嘅中學生活，咁你可以參加下唔同嘅活動，校內校外都可以。但係你要注意，一定要喺學業同埋ole之間攞到個平衡，唔好參加太多ole搞到自己太chur，冇時間讀書。⠀你參加每一個ole之前都要諗清楚你 1）參加呢個活動會用你幾多時間 2）你參加左之後仲夠唔夠時間做功課同埋溫習 3）你點解想參加呢個活動？對你有咩意義？唔好為參加而參加！⠀中五時間都唔係真係咁多，你冇可能參加曬所有你見到嘅活動，所以一定要作出選擇 ！諗清楚先好參加d OLE啊！我果陣就係參加太多活動搞到我成績下滑……⠀仲有，下學期就好開始溫下習啦，我果陣因為新年搞年宵同埋參加另一個program、easter跟學校去左excursion，所以新年同埋easter呢兩個長假期我都完全冇攞過黎溫書🤢所以最好避免參加太多活動，尤其係下學期真係要預留番多d時間溫書，因為到左果陣你只係得返一年咋！⠀我其實到依家都好後悔下學期都未開始溫書，話唔定早d開始溫就會有更加好嘅成績呢⠀d人成日話「搏盡無悔」，但係你要真係「搏盡」先可以做到「無悔」。雖然我turns out成績ok，但係我都好後悔冇早d備戰dse，我都唔希望你地考完先黎後悔，所以到左下學期一定要開始溫少少書啦（當然，都可以繼續參加ole），唔好俾自己有後悔嘅機會⠀⠀中六學生：⠀到左依家10月呢個時間，我建議你唔好再參加d新嘅ole啦，我雖然中五升中六都仲有參加兩個program，但係佢地都係9月尾、10月頭就完左，之後我就真係100%時間擺落溫書到，冇再參加任何嘅ole啦⠀如果你依家仲有d OLE，呢個活動完左之後就好收拾心情，全力溫書啦！
DSE資源去邊度搵？
【想睇曬全文就撳文章標題啦】去考dse資源係好重要嘅。咁去邊度可以搵到資源呢？（eg各科pp、study tips etc）⠀ ⠀1.dse00⠀🍌超正‼️好多study tips、各科pp（好多科CE AL DSE都有）、歷年dse cut-off⠀⠀2.小卒論壇⠀🍌係一個專for學習嘅論壇⠀🍌登記左成為會員就可以免費攞到好多資源，例如pp之類⠀⠀3. youtube⠀⠀youtube上面都有唔少人分享study tips，當中我覺得最有用嘅包括：⠀⠀🍌Herman Yeung😍（佢好全能，maths core、m1、m2、econ、chem etc樣樣都識，佢maths更加係所有（？）pastpaper題目都有超級詳細嘅講解，睇完真係「一理通百理明，明白了計算可變簡單」（大家應該有聽過架可…？），而佢嘅m1片都救左我一命，因為我其實係半裸考狀態去考，考m1果朝我係到睇hermanyeung，咁啱佢果條片講嘅skills我考嘅時候真係用得番）⠀🍌我師姐Melody Tam，2015年7科5**狀元，佢有拍好多片講唔同科目嘅study tips，我差唔多睇曬佢d片咁濟🤣⠀🍌十大優青victor，佢嘅中英文都幾有用，尤其係中文speaking！考卷四之前我瘋狂睇佢嘅中文說話技巧‼️‼️⠀🍌我師兄FF教室 @freezyffgram ，2018年7科5**榜眼，佢拍左好多片講一d tips🤤⠀🍌outliers economics, 佢有講解Econ唔同pp題目嘅答案⠀⠀當然，可能仲有其他我未發掘嘅高質youtube channel，咁就等大家去搵下啦⠀⠀4. IG⠀ig上面有好多dse過來人都會開study account同大家分享下學習心得，例如我😂除左係我呢d會分享各科心得嘅人之外，仲有d account專係分享某一科嘅tips添。其實我有諗過整一個study account總匯，但係後尾都係放棄左，驚我嘅rationale未必係大家都認同（例如我應唔應該擺一d好商業化嘅account上個list到呢？etc），有機會得罪人🤦🏻♀️ 總之你就自己發掘多d我呢類型嘅account，follow多d account攞多d study tips參加多d giveaway啦。同埋呢d study account有時候都會有唔同嘅notes/課程賣，都可以參考下架。（小廣告：我賣緊我嘅econ notes、中文萬用神例集同埋中文卷三摘星衝刺video班，可以去「訂購筆記/課程/服務」果到訂購）⠀⠀除左係follow一d study account之外，你想買補習notes/pastpaper嘅話都可以喺ig搵到（我都有賣補習notes，有興趣嘅話dm我同我講你想要咩科筆記，我睇下我有冇啊）⠀⠀臨考dse之前，好多study account都會post好多study tips，一d名師都有機會咁做，甚至乎開live，所以我唔建議為左專心考dse而del ig，如果唔係好多資訊你都接觸唔到⠀⠀5. 考評局官方材料⠀考評局個網每一科都有doc講學習重點，亦都有各級示例（1-5級）連埋評語，所以你可以知道考評局點睇唔同類型嘅答案，你點樣避免犯果d低分答案嘅錯誤、點樣可以攞高分。另外，我study leave期間係咁做LS嘅DSE PP（因為之前太懶冇理過LS…），但係冇人幫我改，咁我都係靠上網search到嘅考評局評分標準、教師會議ppt、答卷示例 黎同自己嘅答案做比對。你亦都可以買考評局嘅考評報告（裡面有埋考生表現，即係考生常犯錯誤之類）（但係其實上網search多幾次都應該搵到（？））⠀⠀6. 老師⠀⠀老師通常都會有一d好珍貴嘅資源，可以問佢地攞⠀⠀7. Whatsapp group/join 組織⠀⠀我喺fb見到一d人/補習老師會整d whatsapp group俾2019dsers免費參加，所以就join左呢d group，平時呢d group大家會討論下學術問題或者send下d資源出黎（例如交換學校mock），你有咩唔識都可以問，通常都會有d勁人/補習老師解答（但係日日都會有好多message，我成日都覺得好煩），去到考oral之前果幾個禮拜都會有d補習老師提供免費oral practice，而我都有報到。而去到臨考dse筆試嘅時候，我都會見到d人討論last-minute d嘅野，例如tip題啊果d或者係某d議論文題目應該點做etc，臨考時候大家講嘅嘢對我黎講都有d用，所以建議大家如果見到有d whatsapp group都可以考慮報名join下⠀⠀除左一d whatsapp group之外，都有d組織會提供好多資源/服務，例如凝夢就係d dse過來人搞嘅，會有討論唔同科目嘅whatsapp…
如何保持動力？
【想睇曬全文就撳文章標題啦】溫書，我諗大家都唔想架啦，好多人都會procrastinate，懶得去溫，亦有d人可能會溫到好悶或者成績唔好受到打擊唔想再溫，但係for 即將考dse嘅人黎講，motivation可謂係非常非常重要架，咁究竟點樣先可以令自己motivated d去溫書呢？ 1. 對自己嘅要求 可能係摩羯座♑️嘅關係（？），我係一個perfectionist，無論做乜嘢都好我不嬲對自己嘅要求都比較高（除非係PE😂），如果自己tests/quizzes/exams 考唔到理想嘅成績我會好想打爆我自己，我會好唔開心、不斷怪責自己唔夠勤力，我會喺ig不斷發牢騷，不斷鬧自己。所以我本身都會好push自己溫書，一定要做到好好。所以各位都要對自嘅要求高d，摩羯座嘅各位更加要發揮你完美主義者嘅本性，咁先可以push到自己溫書 咁同埋啦雖然咁樣唔係咁好，我都會將自己同其他人比較（可能我比較好勝？），我會要求自己electives攞第一（雖然其實有時都失敗，尤其econ自從S4攞過第一之後就冇再攞第一…），overall攞頭10（不過s5下學期開始就應該冇再攞到頭10…）。所以攞高ranking都係一個推動我讀書嘅動力 2. 目標 其實我中四五已經target CU GBS，真係超想入呢科，而呢科收分高過普通medic高過law，係全港收分第二高嘅科（最高係GPS），所以我一直以黎都同人講我係「奢望」入到gbs。而溫習果時我都一直向住呢個目標進發，每當我唔想溫書，咁我就會諗：你依家唔溫書入唔到gbs架啦。所以鼓勵自己嘅方法就係搵番你自己target嘅大學program先，睇下佢個分再用呢個program同呢個分做目標 3. 鼓勵說話 我之前買左好多果d鼓勵性句子/歌詞嘅貼紙，痴曬喺間房/schedule book/macbook到，見到可能會鞭策下自己 4. 搏盡無悔 喺呢到我要以一個過來人嘅身份同你地講，真係要搏盡，唔好俾自己後悔。考完dse之後我不斷諗起自己之前有幾咁懶、有幾咁遲先開始做數學pp、有幾咁遲先開始溫LS etc （想知多d我仲後悔d咩可以睇下我之前「我最後悔的三件事」嘅post）。直到依家，雖然有呢個成績夠分入gbs，但係我依然好後悔dse自己冇真正「搏盡」，人生裡面大部分人嘅dse都係得一次，而呢一次我都留有遺憾，所以其實都有d可惜。所以雖然咁講有d 老套，但係大家都真係要無時無刻提自己要搏盡無悔，唔好俾自己任何後悔嘅機會啊！
5科5**探花DSE timetable
【想睇曬全文就撳文章標題啦】應好多人嘅要求，講下我每一日會做d咩先～ 其實我係一個好無規律嘅人，冇follow一個好嚴謹嘅schedule嘅毅力，好多時候都係想做乜就做乜所以我唔會話好似其他study account咁一定會一日溫幾多科或者一定要將一日分成幾多part、一定要咩時候溫咩科或者一定要幾點起身食飯沖涼訓教（暑假開始果時我曾經整過一個timetable，係mon-sun幾點要溫咩科果隻，但係…我堅持左少過一個星期就堅持唔到啦，因為好多嘢俾我預想中需要花更加多嘅時間，例如我預每日2-3sessions，一個session 2-3hours，每個session溫一科，但係當我寫notes寫唔完一個topic要用埋下一個session、溫某個topic未溫曬又想一次過溫埋，就要再霸埋下一個session、預一個鐘返屋企食飯之後再落clubhouse繼續溫，點知我一個鐘之後都仲懶得落去溫書…完全跟唔到呢個咁rigid嘅plan🌚🙈所以後尾都係放棄跟個schedule，寧願想溫乜就溫乜)不過我都可以share下我每一日嘅習慣嘅 暑假果陣每逢係溫習嘅日子（我有其他日子用黎玩/搞比賽嘅嘢），我大概8點幾9點起身，訂下每一日嘅目標（或者前一晚set），包括有咩task同埋預計幾耐完成，例如：1. Econ notes (GDP) (3 hours)2. YY S4 reg1 notes (5hours)3. …….. 咁每一日我就跟果日訂嘅目標做（+補習！我暑假補5科…），做完一個task就tick一tick/塗滿個格，去到大概一點我就訓教。 當然，我暑假用得太多時間寫notes同埋補習同埋寫補習notes，所以呢個唔係一個好好嘅示範。但係個mainpoint係，你必須每一日都set d目標你自己，而呢d目標唔係話溫中文溫六個鐘、溫maths溫幾多個鐘，而係要用一個個具體嘅task做目標，即係寫咩topic notes、做咩topic PP、做幾多版練習，你set番個需時只係要預番你果日應該可以完成到幾多個task，並唔係話你一定要溫夠幾多個鐘先得。如果你自己每一日嘅目標只係要溫幾多個鐘而唔係做幾多個task嘅話，咁其實1）你溫習嘅時間未必好efficiently-used 2）你可能會落後你每個月/每兩個禮拜嘅plan好多 3）好容易冇左motivation，因為做完幾多個task嘅滿足感其實比溫左幾多個鐘嘅滿足感大好多 去到開學、study leave、mock同埋dse期間，我都有每日根據我每兩個禮拜嘅target set d goals 俾自己，一直都有用呢個方法。我覺得呢個set daily goals嘅溫習方式真係好好好重要！可以幫你keep track of your own progress + keep up with your own biweekly/monthly plan 至於study leave嘅時間表，果排由於補習已經差唔多cut曬所以每日嘅安排比起暑假有規律好多。我每日都係8點幾9點起身，溫書，1點食飯，之後休息一陣，再沖涼，2點幾3點再開始溫書，7點幾8點食飯，食30mins至1hour之後又溫書，一點鐘/兩點鐘訓教（夜訓其實真係唔係咁好，但係我自己真係覺得好難早訓😂) 開學嘅時候我會再出post講點樣balance學校嘅workload同自己溫習嘅目標
如何善用暑假？Best 5 35 探花給大家的勸世良言
【想睇曬全文就撳文章標題啦】暑假係難得嘅兩個月嘅漫長假期，升中六嘅你一定一定要好好善用呢兩個月啊，你呢兩個月勤力過其他人就已經可以贏到好多人架啦！等我講下點樣善用暑假先～ 每個人嘅底子、目標都唔同，所以大家部署嘅方式都唔一樣，但係都有個大原則，就係2020dsers呢個暑假要起碼用70%時間溫書，喺呢個暑假裡面至少要做到get ready for S6，即係你一定要已經完全明白並熟悉S4、S5嘅內容，準備好汲收新嘅內容，如果唔係，去到S6你好難catch up倒特別係好似中史呢d內容性比較強嘅科目，都應該趁暑假有時間go through一次成個syllabus（雖然我舊年嘗試左但係失敗左）至於唔同底子唔同目標嘅人具體應該點做，麻煩睇之前「冇方向」果個post，開唔開始做pp或者mock或者其他練習其實真係取決於你自己嘅情況我知道會有d人選擇暑假用d時間去預習，雖然我自己冇咁做，但係我覺得咁做都ok嘅，特別係如果你平時上堂唔係即時聽得明或者係上完堂需要比較多時間去消化，但係都係果句，你s4s5 d野未搞得掂嘅話就快d搞掂s4 s5 d野先亦會有d人選擇暑假清番d補習notes，好似我舊年咁，不過其實我都好後悔成個暑假就喺補習同寫notes之中渡過，同埋果陣積埋嘅補習notes太多，有種寫極都寫唔完嘅感覺，會有d 灰心，冇左d motivation。而且好似我之前關於寫notes果個post咁講，我暑假寫嘅notes，除左econ之外，大部分都冇再睇過，dse都冇用得番。所以你要清番d notes，我好欣賞你嘅決心，不過請你真係make sure你寫notes果時真係學到野/清到concept，同埋你寫呢d notes真係好有用，你將來都會睇番。如果你唔覺得你寫果d notes好有用，咁就真係唔好因為強迫症而繼續寫曬佢，咁樣只會浪費時間。雖然補習社summer好多summer course好多summer優惠 但係真係要適可而止 唔好係唔係都去試 係唔係都去補 諗清楚你係咪真係有咁嘅需要仲有暑假好長，最啱做d好需要persistence嘅野，例如每日背5個vocab、每個星期作一篇文、每日睇一篇文言文、每日做數之類，可惜我當時太懶，做唔到呢一點，如果唔係我數學可能會有更加好嘅成績（數學之類嘅理科真係要keep住成日做！咁樣先會記得點做、熟悉唔同題目嘅做法、做得更加快，你如果好似我咁成個暑假除左暑期功課之外都冇做過數，咁就會虧底好多，好多野都要之後再花時間熟悉返）暑假真係一個好好好好重要嘅時候，亦都係最寶貴嘅長假期，所以有適量娛樂之餘（so that you won’t lose motivation)，都要好好利用呢個暑假溫書，一用錯方法（好似我舊年咁只係瘋狂補習瘋狂寫 notes）就會後悔莫及！(不過如果你呢兩個禮拜溫書溫得唔多都唔駛太內疚！事實上暑假我忙緊一個econ比賽嘅野 好似第二份ies咁 成日要約出黎做報告 所以都有好多日冇溫書，所以如果你呢兩個禮拜冇溫，唔緊要，暑假仲有40日，你呢40日勤力d溫番書就得架啦！)
應唔應該補習？（二）
【想睇曬全文就撳文章標題啦】曾經，我以為補習係讀書神器，以為係護身符，以為補左習肯定好過冇補，以為補習會幫到我好多。直至考dse，我先發現事實完全唔係咁。 作為一個過來人，我可以好肯定咁話你知，除非你真係平時好努力咁將補習skills mark入你個腦袋到，將補習skills10000%消化到可以出神入化咁用到嘅地步，考dse果時名師上身，唔係嘅話好多時候你考果陣就會發現（當然，一定有d人係exceptional case）：其實dse用到嘅skills真係冇你想像之中咁多無可否認，history kw真係幫左我好多好多（利申：冇收廣告費），但係其他科嘅補習老師對我嘅幫助真係冇想像中咁多。中文補左2年半習，冇咩點用過佢嘅skills。英文，嗯，paper1果位補習老師都幾有用，paper2只係用左佢一兩句/幾個vocab，paper3paper4就完全冇用過佢d skills。maths d skills 頗有用，尤其mc做快左好多，但又未去到話幫我短時間內連升幾個grade咁誇張（因為我數學不嬲唔好同埋我懶到一月先開始操卷…）。LS老師有tip中題，但係咁又點？以前我會覺得tip中題簡直係天大嘅喜事，一定會幫到我好多，可惜tip中個topic唔代表你一定用得返d skills，唔代表你一定答得好，因為佢出嘅野未必係問返你預備左果d野。paper1雖然tip中但係講真有冇tip中我嘅成績都會係咁，我冇因為佢tip中而用到任何skills/eg，因為其實都係睇source答。paper2就好d，tip中果題我都用到少少 佢嘅架構/points/eg。（當然，可能係我懶得濟少做練習）So：唔係話補習一定冇用，我都知有好多人因為補習而進步，不過千奇千奇唔好諗住補習一定可以幫到你好多！幾年嘅補習可能只係可以幫你攞多1、2分。所以唔好盲目追求補習，盲目追求各科名師嘅skills，如果當初俾我揀多次，有幾科我可能只會買d補習筆記而唔補習，只係靠自己，咁樣可能反而仲好。所以‼️‼️唔好將所有希望寄託喺補習上面，唔好expect補習就可以幫你解決所有問題，幫你升到好多好多個grade。而且喺補習之前，希望你地有盡力去improve，真係點努力都冇用先好去補習唔補習嘅好處：唔駛浪費時間上堂/搭車/做補習練習 （自己做練習/pp/研究本書，得到嘅效果分分鐘更加好，Cost-effectiveness 高好多）唔駛浪費時間聽d你已經識嘅野溫書時間安排可以flexible d唔駛浪費$唔駛時間聽好多你dse未必會用得著嘅野咁究竟你應唔應該補習呢？以下情況建議補習：✅學校教得奇差，一d skills/答題框架都唔教，而呢一科比較注重skills eg history LS✅學校教得奇差，內容又講到1999，令你完全唔明白d concept，覺得好亂，而且*你自習或者問人都冇效果*✅明concept 底子好/ok 但係唔知點解*雖然好努力*但係硬係上唔到去，一直停留係同一個level，對於點樣更上一層樓一d方向感都冇，有種無從入手嘅感覺✅底子弱，聽唔明老師講乜，catch up唔到 （最好搵私補 針對性強d）建議換補習老師：🤡👆🏻以上問題冇改善過/只係改善得好少🤡程度唔啱（太深/太淺） 而上述問題依然存在唔建議補習/建議停止補習：❎你嘅能力已經去到5**嘅水平（可能你會想secure d，但係既然你有得5**嘅水平咁你應該都有能力透過唔同嘅方法 例如操pp/諗深d etc去令到自己進步，因為補習社可能會用大量時間講點樣攞5/5*，你聽黎其實好大機會只係浪費時間）❎對於點樣進步有個大概嘅方向 自己有能力搞得掂❎對點樣進步雖然冇好多具體嘅idea，但係大概有少少方向/頭緒，而且個補習幫到你好少（如果你覺得佢5%嘅skills好有用，到考試嘅時候又可能得5%題目用到呢個skill，咁其實你dse只係用到佢0.0025個skill，真係值得浪費咁多時間喺到咩？）（有頭緒嘅話，要搵具體進步方法唔難，差在你肯唔肯咁做，夠唔夠勤力）❎已經補左好多科。 （補咁多習，你邊有時間溫書/操pp？你敢肯定你補每一堂都全神貫注，100%汲收緊佢嘅skills？仲有，正如我上個補習post所提到，補習要有效，你必須做補習嘅練習同埋溫補習內容，你科科都咁做，你應該連功課都冇時間做啦 更何況係溫習/操卷）唔建議同時間補5科或以上，4科都有d多，尤其係臨近dse果幾個月，真係唔好再用大量時間補習啦！會打亂你溫習計畫架！真係要作出d取捨，唔好科科都補！❎冇時間，你果科奇差，但係其實唔計分（例如你心儀大學課程計best5，而你呢一科差過另外果5科好好好好多，咁其實你呢一科衰左影響不大，如果你冇時間，就唔應該擺太多心機喺呢一科（當然都唔好完全放棄），除非你呢一科差係因為你之前冇理過佢而你覺得你一投放d時間落黎呢一科，呢一科就可以好過其他科。❎本身幾好，只係for求個安心，聽多少少唔同嘅skills（其實冇乜必要，除非d skills好inspiring好有用，如果唔係都係浪費時間，倒不如自己努力d）
應唔應該補習？（一）
【想睇曬全文就撳文章標題啦】相信好多人都愁緊補唔補習好，補邊個名師好，就等我講下我對補習嘅睇法啦。 補習嘅好處（通常都係學校唔會有嘅）：1. exam-oriented skills （當然，有冇用就另外再講）2. 大量資源 eg 5** sample、mock卷、練習3. 分析出題趨勢4. 擁有大量數據咁既然補習有咁多好處，係咪應該科科去補呢？非也非也。有留意我第一個分享讀書心得嘅post（dse後的反思）嘅話，就會知道補習補得太多係我其中一個dse嘅遺憾。我以前好天真，中四去補某中文名師，一直去到中五都冇進步，中五補左成年history都冇進步，我就好frustrated，點解會咁呢？明明人地話佢地好好架wor，成日見佢地d學生進步好快，點解得我唔係呢？後來我先明白，上齊每一堂齋聽佢講係絕對唔會令你有進步，果d名師派咁多資源，本筆記咁多練習，究竟為左乜？就係要你地消化左佢d skills返屋企做練習，以配合佢嘅課堂內容。如果你只係聽書，唔會每一堂返屋企溫返果堂學過嘅野、唔做任何練習，咁你就唔應該expect你喺下一次考試裡面可以即刻用返d skills、有任何嘅進步。冇進步唔好賴人，因為係你自己偷懶。點解人地補佢有咁大嘅進步而你冇？除左每個人學習模式唔同之外，最重要就係果個學生有幾努力。如果你肯返屋企嘗試跟住名師嘅方法做練習、作文，咁先可能會有進步。‼️‼️所以補習要有效果，你嘅time cost唔單止係你嘅上堂時間同埋搭車時間，仲有你返屋企溫習補習內容+做補習社練習嘅時間。‼️‼️明白呢樣野嘅時候，我係中五升中六，於是我就即刻開始做番之前history補習嘅練習，去到中六我就一路做中六嘅練習，一路仲keep住做中五果d（積住太多），嘗試做完中六每一堂嘅練習之外都盡快清曬中五嘅練習啊，事實證明，我咁樣做令到我攞到5**。中文果方面，我就暑假瘋狂睇番曬中四五嘅補習notes，並寫低每一期嘅重點skills，中六summer course筆記練習每堂都會做返，而且我每堂返屋企都會溫返補習內容同埋寫返notes，抄d佳詞佳句。但係中文係一個語文根基好重要嘅科目，呢位名師筆記裡面好多練習都係for培養語感，而且佢每一本筆記都 非 常 厚，我意識到我冇可能可以短時間內做曬佢筆記d練習而且語感突飛猛進（呢d應該係個中四五循序漸進嘅過程，唔應該係我中六瘋狂做練習就可以有進步的），我亦都冇時間抄+背咁多佳詞佳句黎令文筆有進步，而且要溫+用佢d skills實在需要花太多時間（加上佢d skills對我黎講唔係真係咁有用，有d係鬼唔知啊媽係女人嘅skills，有d係純粹簡單複雜化），倒不如我自己搵辦法謀求喺短時間內得到進步。於是，補到中六reg2，我冇再補佢。我做左個好正確嘅決定。用我自己嘅方法都可以攞倒5**，而且唔需要浪費咁多時間。好可惜，雖然我明白要努力先有可能會有補習嘅效果，我並唔能夠真真正正做倒。中六11月左右去左補LS，當時嘅我太懶，上堂又唔係超級專心，只不過係上堂等落堂咁嘅狀態，雖然佢有派mock/練習，但係我懶到去到1、2月先做，結果大家都見到，就係我得5*。所以⭐️結論1:決定左去補習，就請你真係做齊補習嘅練習，齋聽（仲要你未必專心）係冇用嘅，如果你唔能夠投放咁多時間落去補習+做補習練習果到，咁你可能唔好補習反而仲好，將d補習時間用黎自己做paper/研究pp etc，反而可能會有更加好嘅效果to be continued…仲會有1-2個關於補習嘅post 敬請期待
DSE整唔整notes好？世紀大爭議
【想睇曬全文就撳文章標題啦】見到好多2020dser已經開始努力溫習，好多studygram都post自己整嘅靚notes，我覺得你係咁勤力的確係一件好事👍🏻但係希望大家諗清楚，你地係咪真係有必要花咁多時間整咁多notes呢？整咁多咁靚嘅notes係咪真係咁重要？用咁多時間整notes係咪值得？又或者你整notes嘅方法係咪最理想呢？ 我覺得notes對每個人嘅幫助都唔同，有d人覺得整notes先溫到書，有d人整完notes都冇用過, but generally，我希望分享我對於整notes嘅睇法，純粹係個人意見，你唔一定要100%跟足，因為每個人嘅學習模式都唔一樣。 以下呢幾類係我有寫嘅notes，我都建議大家可以寫呢幾類notes🙆🏻：✅錯題簿我maths、econ都有寫錯題簿，每當我錯左一題/對答案唔肯定/econ 長題目中唔曬marking/maths用左d正確但係慢嘅方法，我都會寫低自己錯左果題，寫我原本嘅答案、正確答案+解釋、點解我原本嘅答案/方法/諗法有錯（會唔會係我忽略左d乜嘢，又或者我理解有誤？）而由於我屬於極度唔小心嘅人，我通常都會錯超多careless，例如經常性duk錯cal機、睇錯題目、寫寫下step抄錯數字、做漏一個分題etc，所以我都會開一頁（之後因為唔夠寫再開多三頁…）專寫我錯過d乜careless mistake，臨考前睇一次提醒自己留意多d呢d位同埋要抄低題號eg 2012dse Q5a，等自己有d乜問題可以refer返去果條題目到錯題簿嘅function就係等你知道自己邊d地方做錯、點解錯，寫果時會加深印象，對清concept好有用，之後睇返會提自己唔好犯同樣嘅錯誤✅總結自己做pp、研究pp marking scheme發現嘅skills我做中英文paper1、paper3同埋對marking scheme嘅時候發現左好多隱藏嘅skills（遲d會開po講），於是寫低左呢d skills，考之前睇多次econ我都有寫低某d 我發現左嘅skills，例如好多時候pastpaper都會問「點解明明賣同一樣嘅野，果兩間shop嘅價錢會唔同？」睇過幾條類似嘅題目答案都差唔多，都係咩唔同cost啊、heterogenous product/service果d，咁我就會將呢d答案寫低喺notes到，日後遇到類似嘅題目將呢d答案寫落去就得。然後efficiency果課又係好多keywords會中marking，咁我又係整個list寫低曬呢d keywords，例如deadweight loss, underproduction/overproduction, MSB=><MSC, MPB<>MSB, increase production towards the social efficient output level………做題目嘅時候未必句句有分，但係擺曬呢d keywords落去就應該可以滿分✅將課本內容太亂、太容易混淆嘅部分寫成個表中史我冇整notes嘅習慣，但係當有d超級容易mix up嘅內容我就會寫個表，例如近代史各種條約、三個盛世（呢個topic真係攞命，果d咩人口、戶口數量、米價、賦税力役、藏書數量、律令數量、每人獲分派嘅田嘅數量etc 真係超級超級超級容易亂！），會清楚d易記d，一亂就攞返出黎睇✅內容唔多，將一d喺pastpaper/補習/練習之中嘅嘢incorporate入你嘅notes到，集百家之大成（當然，你都要自己衡量有冇呢個必要，唔好為寫而寫，覺得寫左notes就=溫左好多書咁）我地汲收嘅知識嘅source好散，有學校課堂/pp/補習，d知識咁散可能會造成不便，好有可能唔係好記得d內容，所以寫notes包曬各方面得到嘅skills/knowledge都幾有用我math、econ都有寫總結每個topic內容嘅notes（macro only for econ，訂購詳情），因為每課內容其實唔多，寫一寫都唔會用太多時間。maths補習果到俾左好多alternative methods/skills同埋分埋唔同題型點tackle，呢d係學校老師未必會教嘅，而有時候學校老師又俾到一d補習唔教嘅skills我，咁我就將唔同地方學嘅extra skills/內容incorporate入我每個topic嘅notes到，總之我嘅notes就係集百家之大成econ都係一樣，我儘量將我喺學校學到嘅嘢同做pp得到嘅conclusion融合埋一齊，例如gdp果個topic，有好多嘢計落gdp又有好多嘢唔計，雖然學校俾左個表我，但係都唔齊全，咁我做pp嘅時候見到pp顯示邊d嘢計/唔計嘅時候，我就會將佢加入個計/唔計gdp嘅list 到以下係我唔係好建議嘅notes🙅🏻❎課文內容超多嘅notes見到好多人會用好多時間整d好靚嘅中史notes，但係其實我就覺得冇咁嘅必要…一黎出版社通常會有d精讀筆記 真係想要d精簡d嘅筆記 用果d都得 無謂浪費時間去整二黎中史每課內容真係超多 有排整 倒不如用整notes嘅時間去背史實，效率更高三黎 中史要攞高分 需要詳盡嘅史實 好多時候你整筆記可能會省略左一d細節位，但係往往就係呢d細節位令你可以喺中史攞高分 其他好多內容嘅科都係，會唔會可以買d精讀筆記，而唔係浪費時間慢慢寫notes呢？ ❎純總結內容而且有冇都唔緊要、對你幫助唔大、花你好多時間整得好靚但係你又未必睇嘅notes 我一開始都有為中英文、LS寫notes，主要係每一次補習之後總結返果堂學過嘅野+總結返之前補習學過嘅野，中文都有寫埋佳詞佳句，但係後來我發現咁樣做好浪費時間，就冇再寫呢幾科總結補習內容嘅notes事實證明，我咁做係個非常正確嘅選擇，因為去到考dse果陣，我幾乎冇睇過呢幾份notes，而且呢幾份notes嘅內容對我冇乜幫助 所以大家寫notes嘅時候請諗下：寫完d notes會唔會真係有咁大幫助？你自己會唔會睇番？你點解會寫notes？純粹因為整靚D，睇得舒服d？（如果係咁，咁我就真係勸你唔好整，嘗試適應下睇textbook嘅感覺啦）因為寫完有滿足感？（我好明白果種滿足感，但係要注意：寫左好多notes係唔係真係可以幫到你咁多，係唔係真係代表你溫左好多書？你覺得寫notes滿足感大d定係用其他更有效嘅方法而攞到更高嘅grade嘅滿足感大d？）如果將你寫notes嘅時間擺落溫其他嘢到，效果會唔會更加好？？當然，如果你係覺得唔寫notes，只係睇textbook/出版社嘅筆記會令你超級超級超級唔舒服、真係完全溫唔到書嘅，咁你就寫啦 但係請你make sure你寫完真係會睇番d notes 希望上面嘅內容幫到你地啦 如果你睇完都唔知自己應唔應該寫notes嘅歡迎dm問☺️我具體每一科溫習方法同埋每一科嘅notes係點嘅樣我遲d會再一科科講…
冇方向，點算好？5** Tips!
可能依家嘅你會覺得好迷茫，想溫書但係又無從入手，冇任何方向，但係呢一切都係好正常嘅。只要跟返以下嘅思路，我諗你可能會有返方向。 首先你要問自己：1. 你每一科嘅target grade係咩？（要留意你大學想讀果科有冇要求你邊科要好d，或者邊科weighting重d）2. 你自己依家每一科嘅水平大概係邊個grade？差得遠唔遠？ ⚠️ 如果你某一科target grade比較高：你需要花多d時間、俾多d心機喺呢一科，要做多d難d嘅練習/pp/複習。問下自己，你點先可以reach到你嘅target grade？要做乜？list out曬你所需要做嘅野（睇某名師筆記？背例子？做曬所有pp？做學校練習？每個禮拜作一篇文？） ⚠️ 如果你果科個底麻麻哋：一定要溫返曬之前學過嘅野、鞏固左已有知識先，make sure你大致理解學習內容，然後再做一d基礎練習，有左一定嘅水平之後（當你有個main idea/basic concept但係某d細節位或者難d嘅位唔識嘅時候），你先好開始做pastpaper（當然，你要預留足夠時間做pp，唔好太遲開始做，唔係嘅話可能會做唔曬你想做嘅pp！），如果唔係你就可能會浪費左pastpaper，而且喺你完全唔明白學習內容嘅情況之下做pp根本就浪費時間例如英文如果你個底唔好就應該搵返多d grammar練習做，grammar 進步左先再做d難d嘅練習/pp又例如數學你個底唔好嘅話應該睇返曬你學過嘅野，由淺入深咁做返d基礎練習，有左大概嘅理解之後就可以再做d難少少嘅練習或者ppdse就好似一條樓梯咁，你要一步一步踏上每一級先可以到到最頂，但係如果你下底嘅樓梯唔穩陣、好易倒塌嘅時候，你冇辦法上到最頂，所以你必須鞏固左根基先可以更上一層樓，再謀求好成績⚠️如果你個底幾好：make sure你大致理解學習內容，然後就可以開始做一d進階d嘅練習，例如係一d難d嘅mock卷，甚至乎係pp。唔好再浪費時間溫一d你識嘅野，或者做一d好簡單嘅練習，又或者寫好多好多對你幫助未必好大嘅notes。時間一去不復返，一定要好好把握你有嘅時間！！！ ⚠️ 如果你某一科依家嘅水平同你目標相差好遠好遠：你要搞清楚個原因。係你未完全明白學習內容？（即係你個底麻麻哋，參考上面嘅做法）係你唔夠努力？（努力d！）係你明白課文內容但係唔識d skills？（補習/參考同分析5**卷/問老師/睇名師筆記/分析返之前自己點解低分，例如表達得唔好/冇例子/空泛/冇組織…）最重要就係對症下藥！諗清楚你有咩問題再調整溫習策略 另外，同學都可以考慮參加我嘅諮詢服務，同我傾下架！
過來人給所有DSErs的一句話: Nothing is impossible
【想睇曬全文就撳文章標題啦】Nothing is impossible. 這句話聽上去好cliched，但又的確說得很對，讓我以DSE過來人的身分來證明一下這件事吧！ 證據1:考dse前，我的目標是得到這個成績，但考dse後我感覺這完全是不可能的，因為我感覺我幾乎所有科目都失手了。但放榜時得到的成績竟然與dse前預想中的一模一樣（就連中文分卷也是…）‼️（更重要的）證據2:我校內成績一向都不錯，但還沒有到最最最top那種。我估計中一至中六我一直在全級15名以內，但我只在S1、S4以及S5上學期拿過top10，更 沒 有 拿過top5。S5下學期至S6，不知為什麼成績似乎一直下滑，mock考得並不好。S4、S5我一直有在中史或者經濟或者歷史科考獲第一，S6畢業典禮那天，我連一個科目第一都沒有，而且理所當然地沒有得到top5。這一切（加上考完dse之後的感覺）（我曾在dse期間因為不滿意自己的表現而「爆喊」三次）似乎告訴我，我不會在dse之中考獲好成績。然而7月10日放榜那天，奇蹟發生了。從來沒考獲top5的我竟然得到校內第二的成績，成績超越了很多成績一向都比我好得多的人。天啊！！ 我敢肯定在場同學很多都大跌眼鏡😂所以nothing is impossible！！！我為什麼要說這麼多我的經歷呢？就是希望你們知道，永遠不要低估自己的實力，冇人話你唔得，只有你自己話你唔得，nothing is impossible。現在的你不是第一，不代表將來的你不會是第一現在你成績下滑，不代表你dse成績會差 相信自己，繼續努力，不要因為現在的成績而感到灰心，不要覺得你永遠不可能超越其他人，不要覺得你永遠不能拿到好成績，「希望在明天啊嘛」。只要不放棄，世界上便沒有不可能
5**時間分配基本功
【想睇曬全文就撳文章標題啦】dse是一場持久戰，要考好dse就要有良好的時間管理。其實一開始我也沒有意識到時間管理的重要性，後來我在11、12月看見上年某狀元在ig的post，參考了她的時間管理方法，就開始明白如何管理時間了。 首先你要知道你每一科的target grade，還有需要達到這些grade所需做的任務然後就要把這些task分布到每一個月裡（一開始一兩個月可以先做一些鞏固基礎的task），例如每一個月要做完幾多年的pp或者做完幾多份練習或者複習完什麼topic每到了一個月，就把每一個月的任務細分到每一個星期裡，到了那個星期再將那個星期的task細分到每一日裡，並預計會佔用多少時間然後跟著這個plan完成學習任務就可以了，每做完一個任務就tick一tick/塗滿方格（個人認為後者容易有較大滿足感），並記錄下完成任務所需的時間，以便日後參考，對完成同類型任務的時間作出估計注意事項⚠️‼️由於我開始用這個方法的時候我只剩下4、5個月，所以我是以每兩個星期作為一個大單位的。現在離2020dse還有十個月的時間，以月作為單位也可以，當然你也可以自由選擇以兩個星期作為一個大單位‼️請不要高估自己完成學習任務的進度，否則像我一樣常常跟不上進度的話，就很容易很frustrated、很灰心、很憎恨自己，很大壓力。所以儘量不要高估自己，也要弄一些buffer，以防趕不上進度‼️be flexible!!!追不上進度的話，找出原因（高估自己了？用太多電話？），再對study plan作出調整
Best 5 35探花DSE最後悔的三件事
【想睇曬全文就撳文章標題啦】放榜了，我得到的成績出乎意料地好，甚至喜極而泣，但是其實在dse之中我還有不少遺憾。 dse過後，我一直都覺得自己好像什麼科也考得不好，平時最有信心的科目也好像都失手了，這時候聽得最多的是「唔緊要啦，搏盡無悔，盡左力就得啦」，可是這正正是最刺痛我的地方，因為我知道，我並沒有盡力，沒有「搏盡」，何來「無悔」？ 遺憾1: 我沒有盡早溫習，只在中六才開始發奮圖強。從小到大，我通常都是test/quiz前一兩日，exam前三四日才開始溫習，雖然我知道自己應該在平日裡都溫習，但很可惜，我這樣的情況下成績也算不錯，所以我沒有意識到平日溫習的重要性。我只是到了升中六暑假才開始自發性在平日裡溫習，所以我其實浪費了很多時間，如果一早便習慣恆常溫習，我的底子應該會更好一點，也能更迅速地達到我各種溫習目標 遺憾2: 把事物想得太理想化，時間太少，目標太多，結果因為錯誤的溫習方式，我把升中六的暑假浪費了升中六暑假的時候，我認為要趁這個機會打好根基，方便日後溫習，所以我有著雄心壯志，在暑假開始時已經寫好了我一大堆暑期目標，但是在暑假完結後，我達到的目標只有1%，而很多其他的目標甚至乎在dse完結後我也沒有達到。我根本就是高估了自己的進度，而且想做的事情太多但又沒時間做。那時候我每一次補習後都會寫notes，概括那一堂課學了什麼內容，也嘗試把之前的yy中四五筆記/其他科目之前的補習筆記內容都概括，直至九、十月還在做這件事，然而我在dse後發覺這根本就是個大錯特錯，因為我原本有更多時間可以做pp或者溫習，但是我整個暑假就在寫notes之中渡過了，根本沒時間做pp，而做pp才是備戰dse的關鍵。而且後來，當我真真正正要考dse的時候，我根本沒時間看完我造的notes，所以我根本就浪費了我寫notes的心思和時間。因此，如果讓我再來一次，我暑假會訂立更可行的目標，不會再瘋狂寫notes（這應該是中四五的時候做的，不是升中六才做的），而是會複習以前學過的內容，開始做海量練習/pp。 遺憾3:補習補得太多暑假我好像在補六科…加上每次補習後複習補習內容，我溫習的時間只剩下很少。所以我很後悔，適量的補習是好的，畢竟補習能提供一些學校提供不了的東西，例如5**sample、skills etc，但過度補習只會把時間都浪費，實際上我把補習的時間用來自己溫習或者做練習效果應該會更好。如果實在想知道各名師的skills，大可買notes，不用浪費時間補習 所以考2020dse的你，此刻不應再浪費時間寫大量補習notes或者過度補習，而應該訂立一個可行的目標，把握時間，儘早開始向目標奮鬥，複習/做pp/練習 若你考2021dse，多寫些筆記也無妨，因為這能幫助你鞏固補習所學的東西。
Follow My Blog
Get new content delivered directly to your inbox.
DSEHIGHBANANA 