5* 數學讀書心得分享
同學只需要撳文章標題就可以閱讀全文架啦！
數學：錯題簿⠀
【想睇曬全文就撳文章標題啦】 ［Again, 我數學得5*，想攞5**嘅可以略過呢個post]⠀⠀正如我之前所講，我maths有整錯題簿。⠀⠀咁究竟我係點樣整呢？⠀ 🍌分唔同topic⠀⠀🍌任何我錯過嘅題目（無論係pp/學校mock/補習嘅練習定其他練習）我都會寫落去⠀⠀🍌include 以下呢幾樣嘢⠀1）題目+題目出處⠀2）自己原本條式/思路⠀3）正確嘅計法（唔需要逐個marking scheme抄落去，寫key steps就ok，eg首先用xx formula 搵AB，然後再用xxx搵BC，然後…如此類推）⠀4）summarize自己錯咩（eg 錯concept/計漏左yyy/冇好好運用題目嘅字眼/以為可以…但係原來呢個情況下唔可以咁做）/寫返低d tips提自己下次有咩要留意⠀⠀（如果唔明正確答案嘅話你可以睇herman yeung/問老師/問補習老師/問同學）⠀⠀🍌整嘅時候我會用唔同色（黑色/深藍色for題目，淺藍for我原本嘅答案，紅/粉紅紫for正確答案，sky blue粗筆for summary/tips）⠀⠀ 對於我真係唔識所以錯嘅題目，我嘅做法就係上面咁樣。如果你做得啱但係用左好多個step先做到而你發覺有d簡單好多嘅方法嘅話都可以include埋入去。⠀⠀對於我唔小心所以錯嘅題目，我特登開左幾頁俾我自己抄底我唔同類型嘅careless mistake，因為我發覺我嘅careless mistake嘅類型真係好多，可以係睇錯題目、抄錯題目、寫寫下step下一行抄錯數字、自己寫得核突得濟令我之後做錯左、成題b part做漏、篤cal機篤錯、明明係+但係我心算嘅時候無啦啦X左佢 etc。我會summarize返每次我錯左d咩careless mistake，間中同埋臨考前睇一睇，提自己之後唔好再犯 ⠀⠀
點溫數學？
【想睇曬全文就撳文章標題啦】 [如果你係aim5**嘅你可以略過呢個post，因為我得5*]⠀其實得5*就share我嘅tips好似有d厚臉皮添🙈🙈🙈不過我寫notes寫得好辛苦加上好多人問，所以我點都要share下我溫maths嘅方法。⠀⠀ 我本身個底唔差，亦都唔係話好好，大概lv5至5*之間啦，咁我溫數就分做4 part：⠀⠀1）補習⠀⠀我中五下學期-中六十二月都有補 @mathman.hk 嘅road to 2019 （elite），然後我都有補mc skills course，因為我mc成日都唔夠時間🤦🏿♀️⠀⠀2）Notes (summary)⠀⠀我自己整左份notes summarize每個topic嘅重點，eg 一d要記嘅式、點樣solve d常見嘅問題、重要嘅skills etc。（遲d應該會整giveaway派）d topic唔係淨係包括s4-6果d，有d s1-3嘅topic我都有寫到落去，通常每個topic 2頁就搞掂，易d就1頁，難d多野d就可以去到4頁。呢份notes對我黎講真係好重要！因為佢包括曬我考dse嘅時候要識/記得嘅所有野，我如果dse前整唔見左佢嘅話應該會崩潰😭好彩我雖然係咁整唔見d野但係一直冇唔見左佢jek🤭⠀⠀3）操pp⠀⠀因為我太懶同埋唔鍾意數學嘅關係我果陣一月中左右先真正開始操pp🙈🙈🙈⠀十二月嘅時候有嘗試開始操by topic（circle果課），但係之後我發覺我其實操果課操到好悶同埋好頹（因為果本by topic嘅野好似有埋a maths同maths and stat果d，好鬼難，好打擊自尊心😭)，同埋我操果一課用左好多時間，其他topic好似冇咩點接觸到，做其他topic嘅時候發覺自己過左一陣已經冇左做circle嘅時候純熟嘅感覺。所以我就停左，一月中左右先開始操by year pp，我係由1990CE開始操，操到2011CE，之後操dse pp。操嘅時候，我有計時操。由於我好遲先開始操pp，所以我開始操之後就擺左好多時間落去，每1-3日操一份，巔峰期每日操一份。⠀⠀4）錯題簿⠀呢個就留番下次先講啦，因為每個po篇幅有限。⠀
Follow My Blog
Get new content delivered directly to your inbox.
DSEHIGHBANANA 